جموں//
یوتھ آل انڈیا کشمیری سماج نے ہفتے کو یہاں احتجاج درج کرتے ہوئے کشمیری پنڈتوں کی کشمیر واپسی کا مطالبہ کیا۔
احتجاجی جم کر نعرہ بازی کرتے تھے اور انہوں نے ہاتھوں میں پلے کارڈس بھی اٹھا رکھے تھے ۔
اس موقع پر ایک احتجاجی نے میڈیا کے ساتھ بات کرتے ہوئے کہا کہ ہم یہ احتجاج درج کرکے بھارت سرکار کو یہ احساس دلانا چاہتے ہیں کہ۶ہزار کشمیری پنڈت ملازموں کو بھگانے کا جواب۶۰ہزار کشمیری پنڈتوں کو واپس بھیجنے سے دیا جائے ۔
احتجاجیوں نے کہا کہ ہم کب تک بھاگتے رہیں گے اب وقت آگیا ہے کہ ہم کو وہاں واپس بھیج دیا جائے ۔
ان کا کہنا تھا کہ ہم بار بار نہیں ڈریں گے ہمیں کشمیر سے بھگانے کی کوشش کی جا رہی ہے جس کا جواب صرف ملازمین نہیں بلکہ پوری کمیونٹی دے گی۔
احتجاجی نے کہا کہ ملازمین جو جدو جہد کر رہے ہیں یہ صرف ان کی جدو جہد نہیں ہے بلکہ پوری کمیونٹی کی جدو جہد ہے ۔انہوں نے کہا کہ اگر آج وزیر اعظم شری مودی جی کی سرکار میں پنڈتوں کو واپس نہیں بھیجا جائے گا تو میں سمجھتا ہوں کہ اس سے بہتر وقت کبھی نہیں آئے گا۔