بڈگام :تحصیلدار ‘ نائب تحصیلداراور بی ڈی او کو منسلک کردیا گیا

سرینگر//
وسطی کشمیر کے ضلع بڈگام میں انتظامیہ نے تحصیلدار، نائب تحصیلدار اور بی ڈی او سمیت تین افسران کو منسلک کیا ہے۔
ملی اطلاعات کے مطابق تحصیلدار چاڈورہ ‘عبدالرشید بٹ کو ڈویڑنل کمشنر کشمیر نے پرنسپل ریونیو ٹریننگ انسٹی ٹیوٹ بمینہ کے ساتھ منسلک کیا ہے۔
ڈپٹی کمشنر بڈگام نے نائب تحصیلدار چاڈورہ فیروز احمد کو ایک الگ حکم میں فرائض میں غفلت برتنے پر ان کے دفتر سے منسلک کیا ہے۔
ایک اور حکم میں بی ڈی او (بلاک ڈویلپمنٹ آفیسر) پرنیوا انیس ملک کو فوری اثر کے ساتھ اسسٹنٹ کمشنر پنچایت بڈگام کے ساتھ منسلک کیا گیا ہے، اسی دوران بی ڈی او ناگام کمیلا مشتاق فوری اثر سے بی ڈی او پارنیوا کا چارج سنبھالیں گی۔