سرینگر//
پولیس نے پیر باغ کے ایک رہائشی کو سرینگر میں شادی کی تقریب کے دوران فائرنگ کرکے ’دوسروں کی زندگیوں کو خطرے میں ڈالنے‘ کے الزام میں گرفتار کیا ہے۔
ایک پولیس اہلکار نے بتایا کہ پیر باغ کے معین خان کو آلوچی باغ میں شادی کی تقریب کے دوران اپنے لائسنس یافتہ پستول سے فائرنگ کرنے اور دوسروں کی زندگیوں کو خطرے میں ڈالنے کے الزام میں گرفتار کیا گیا ہے۔
پولیس اہلکار نے کہا کہ شیرگڑھی پولیس اسٹیشن میں ایف آئی آر نمبر ۸۳ درج کی گئی۔ ان کے مطابق’’پستول بھی ضبط کر لی گئی ہے۔ اس سلسلے میں وہ شخص عادتاً مجرم ہے۔ــ‘‘