اننت ناگ میں دو غیر مقامی مزدور فائرنگ میں زخمی

سرینگر/۱۲نومبر
جموں و کشمیر کے اننت ناگ میں ہفتہ کو مشتبہ دہشت گردوں کی گولی لگنے سے دو غیر مقامی مزدور زخمی ہو گئے۔
پچھلے دس دنوں میں مہاجر مزدوروں پر یہ دوسرا ٹارگٹ حملہ تھا۔
پولیس نے کہا”دہشت گردوں نے اننت ناگ کے رکھ مومن علاقے میں دو بیرونی مزدوروں پر فائرنگ کر کے زخمی کر دیا۔ دونوں زخمیوں کو علاج کے لیے ہسپتال منتقل کیا جا رہا ہے“۔
پولیس کا کہنا تھا کہ حملہ آوروں کی تلاش کے لیے علاقے کو گھیرے میں لے لیا گیا ہے۔
اس مہینے کے شروع میں، دہشت گردوں نے اسی ضلع میں دو مہاجر مزدوروں پر فائرنگ کی تھی۔
پولیس کے مطابق مقتولین بوندیالگام علاقے میں ایک پرائیویٹ اسکول میں کام کرتے تھے۔ متاثرین میں سے ایک کا تعلق بہار سے ہے جبکہ دوسرا نیپال سے ہے۔ انہیں ہسپتال میں داخل کرایا گیا۔
غیر مقامی مزدور کشمیر میں سلسلہ وار دہشت گردانہ حملوں کا نشانہ بنے ہیں۔ گزشتہ ماہ شوپیاں ضلع میں اتر پردیش سے تعلق رکھنے والے دو مزدوروں کو ہلاک کر دیا گیا تھا۔ مزدور سیب کے باغ میں کام کر رہے تھے۔