سرینگر//
جنوبی کشمیر کے ضلع شوپیاں کو صوبہ جموں کے ضلع پونچھ کے ساتھ جوڑنے والے تاریخی مغل روڈ پرجمعرات کی صبح ٹریفک کی نقل وحمل بحال ہوگئی جبکہ سری نگر لہیہ شاہراہ کو بھی ٹریفک کی آمدورفت کے لئے کھول دیا گیا۔
بتادیں کہ گزشتہ روز پیر کی گلی اور سرینگر لہیہ شاہراہ پر بھاری برف باری کے بعد دونوں شاہراہوں پر ٹریفک کی آمدورفت کو بند کیا گیا تھا۔ متعلقہ حکام نے روڈ کو بحال کرنے کیلئے مشینری کو کام پر لگا دیا تھا۔
ایک ٹریفک عہدیدار نے کہا کہ مغل روڈ اور سری نگر لہیہ شاہراہ کو ٹریفک کی نقل و حمل کیلئے بحال کر دیا گیا ہے ۔انہوں نے کہا کہ پہلے درماندہ گاڑیوں اور چھوٹی گاڑیوں کو چلنے کی اجازت دی گئی ہے ۔
ادھر وادی کو ملک کے باقی حصوں کے ساتھ جوڑنے والی سرینگر، جموں شاہراہ پر ٹریفک کی نقل و حمل حسب معمول جاری ہے ۔