سرینگر//
جنوبی کشمیر کے اونتی پورہ میں سیکورٹی فورسز نے ایک ہائی برڈ جنگجو کو گرفتار کرکے اُس کی تحویل سے گرینیڈ اور قابل اعتراض مواد برآمد کرنے کا دعویٰ کیا ہے ۔
پولیس ترجمان نے بتایا کہ منگل کے روز ناکہ چیکنگ کے دوران سیکورٹی فورسز اور پولیس نے لدو اونتی پورہ میں لشکر طیبہ سے وابستہ ہائی برڈ جنگجو عابد احمد شیخ ولد عبدالعزیز شیخ ساکن ستہ پوکھرن کو دھر دبوچ کر اُس کے قبضے سے ایک گرینیڈ برآمد کرکے ضبط کیا۔
ترجمان نے کہاکہ ا بتدائی پوچھ تاچھ کے دوران معلوم ہوا ہے کہ گرفتار جنگجو لشکر طیبہ کے کمانڈروں نے کے ساتھ رابطے میں تھا اور وہ اسلحہ وگولہ باروکو ایک جگہ سے دوسری جگہ پہنچانے کے کام پر مامور تھا۔
پولیس نے اس ضمن میں ایف آئی آر زیر نمبر ۶۹کے تحت ایک کیس درج کرکے مزید تحقیقات شروع کی ۔