نئی دہلی///
فوج نے ملک میں جدید ترین ٹکنالوجی تیار کرنے اور خود انحصاری کو فروغ دینے کے مقصد کے ساتھ پانچ’میک ٹومپروجیکٹس‘پروجیکٹوں کیلئے منظوری کے احکامات جاری کردیے ہیں۔
’میک ٹوپروجیکٹس‘بنیادی طور پر صنعت سے چلنے والے منصوبے ہیں جن میں ہندوستانی کمپنیاں پروٹوٹائپ ڈیزائن، ترقی اور اختراع کا کام کرتی ہیں۔ پروٹو ٹائپ کی کامیاب ترقی کے بعد آرڈر کی یقین دہانی کرائی جاتی ہے ۔
جمعہ کو جاری ایک بیان میں وزارت دفاع نے کہا کہ جن منصوبوں کیلئے منظوری کے احکامات جاری کیے گئے ہیں ان میں۳۰۰ہائی فریکونسی سافٹ ویئر ڈیفائنڈ ریڈیوز‘۳۵ڈرون کِل سسٹمز‘۱۲۵ٹریننگ ویپن سمیلیٹر‘ ۲۰۰۰ٹرمینلی گائیڈڈ میونیشنس اور۱۰میڈیم رینج پریسجن کِل سسٹم کی خریداری شامل ہے ۔
’میک ٹوپروجیکٹس‘کے تحت فوج کیلئے۴۳ منصوبوں پر پہلے ہی کام ہورہا ہے ۔