پائین شہر کے شیخ محلہ میں اسکول کو مقفل کرنے کیخلاف طلبا کاحتجاج

سرینگر//
پائین شہر کے شیخ محلہ میں قائم پبلک سکول نقشبند کو مقفل کرنے کے خلاف اسکولی طلبا اور اساتذہ نے احتجاج کیا۔
طلبا نے بتایا کہ نامعلوم وجوہات کی بنیاد پر اسکول کو بند کیا گیا جس وجہ سے طلبہ وطالبات کا مستقبل داو پر لگ گیا ہے ۔
یو این آئی اردو کے نامہ نگار نے بتایا کہ پریس کالونی سری نگر میں پیر کے روز ہاتھوں میں پلے کارڈ لئے طلبہ وطالبات اور اساتذہ نے احتجاجی مظاہرئے کئے ۔
مظاہرین نے نامہ نگاروں سے بات چیت کے دوران بتایاکہ نامعلوم وجوہات کی بنا پر پبلک اسکول نقشبند کو بند کر دیا گیا جس وجہ سے بچوں کا قیمتی وقت ضائع ہو رہا ہے ۔
نامہ نگار نے کہاکہ پچھلے ساٹھ سالوں سے اسکول میں طلبا تعلیم کے نور سے منور ہو رہے ہیں لیکن بغیر کسی نوٹس کے ہی اسکول کو بند کرنے کا کوئی جواز ہی نہیں ۔
اُن کے مطابق اسکول کو مقفل کرنے سے زیر تعلیم طلبہ و طالبات سڑکوں پر آنے کے لئے مجبور ہو گئے ہیں۔انہوں نے اعلیٰ حکام سے اپیل کی کہ اسکول کی عمار ت کو فوری طورپر کھولا جائے تاکہ بچے تعلیم حاصل کر سکے ۔