الٰہی باغ سے جونیئر انجینئرپر اسرار حالات میں مردہ پایاگیا

سرینگر//
سرینگر کے الٰہی باغ علاقے میں ہفتہ کو محکمہ آبپاشی اور فلڈ کنٹرول کا ایک جونیئر انجینئر پراسرار حالات میں مردہ پایا گیا۔
ایک مقامی خبر رساں ایجنسی نے رپورٹ کیا کہ جے ای جس کی شناخت قاضی محمد حنیف ساکن بچھ پورہ کے طور پر ہوئی ہے‘جو الٰہی باغ میں پراسرار حالات میں مردہ پائے گئے۔
ایجنسی کا کہنا ہے کہ اس کی اطلاع ملتے ہی پولیس موقع پر پہنچ گئی اور لاش کو قانونی کارروائی کے لیے اسپتال منتقل کیا۔
دریں اثنا، ایک اہلکار نے بتایا کہ اس سلسلے میں مزید تحقیقات شروع کر دی گئی ہے۔
اس دوران ایک نوجوان جو ‘۲۴ ستمبر سے لاپتہ تھا‘ کی لاش ہفتہ کی شام وسطی کشمیر کے گاندربل ضلع کے صفا پورہ کے ینگورا علاقے سے برآمد ہوئی۔
ایک مقامی خبر رساں ایجنسی نے رپورٹ کیا کہ لار کا نوجوان محمد اقبال سلیم ینگورا میں علوی ایگرو بریڈنگ فارم اینڈ ہیچری کے قریب مردہ پایا گیا‘جہاں وہ۲۸؍ اگست سے کام کر رہا تھا۔
لاش کو پوسٹ مارٹم کے لیے بھجوا دیا گیا ہے جبکہ قانون کے تحت کارروائی شروع کر دی گئی ہے۔
متوفی ۲۴ ستمبر سے لاپتہ تھا جبکہ اس سلسلے میں قانون کی متعلقہ دفعات کے تحت مقدمہ درج کیا گیا ہے۔