جموں//
جموںکشمیر کے راجوری ضلع کے کھر بانی گاؤں میں جمعے کے روز ترسیلی لائن کی مرمت کے دوران پی ڈی ڈی ڈیلی ویجر کرنٹ لگنے سے از جان ہوا ہے ۔
سرکاری ذرائع نے بتایا کہ جمعے کے روز راجوری کے کھربانی گاوں میں پی ڈی ڈی ڈیلی ویجر ترسیلی لائن کی مرمت کر رہا تھا کہ اس دوران وہ کرنٹ لگنے سے شدید طورپر زخمی ہوا۔
آس پاس موجود لوگوں نے زخمی ڈیلی ویجر کو علاج ومعالجہ کی خاطر فوری طورپر نزدیکی ہسپتال پہنچایا تاہم وہاں پر موجود ڈاکٹروں نے اُسے مردہ قرار دیا۔
متوفی کی شناخت ہرجیت سنگھ ولد جگت رام ساکن کھر بانی کے بطور ہوئی ہے اور وہ محکمہ بجلی میں پچھلے بیس برسوں سے بحیثیت ڈیلی ویجر تعینات تھا۔
معلوم ہوا ہے کہ پی ڈی ڈی ڈیلی ویجر نے اپنے پیچھے چار بیٹیوں کو چھوڑا ہے ۔
دریں اثنا پولیس نے اس سلسلے میں ایک کیس درج کرکے کارروائی شروع کی ہے ۔