مرکزی ملازمین کے مہنگائی الاؤنس میں چار فیصد اضافہ

نئی دہلی//
مرکزی حکومت نے اس سال یکم جولائی سے مرکزی ملازمین کے مہنگائی الاؤنس میں چار فیصد اضافہ کرنے کا فیصلہ کیا ہے ۔
فی الحال مرکزی ملازمین کا مہنگائی الاؤنس ۳۴ فیصد ہے اور اس فیصلے کے بعد یہ۳۸فیصد ہو جائے گا۔
وزیر اعظم نریندر مودی کی صدارت میں ہوئی مرکزی کابینہ کی میٹنگ میں اس تجویز کو منظوری دی گئی۔
سرکاری ذرائع کے مطابق اس اضافے سے مرکزی محصول پر۵ء۱۲۸۵۲کروڑ روپے کا سالانہ بوجھ پڑے گا۔
ذرائع کے مطابق اس سے۸۵ء۴۱لاکھ مرکزی ملازمین اور۷۶ء۶۹لاکھ مرکزی پنشنرز کو فائدہ ہوگا۔ مجموعی طور پر۱۰ء۱کروڑ سے زیادہ لوگ اس سے مستفید ہوں گے ۔