اوڑی میں تیندوے نے نابالغ لڑکی کو اپنے ساتھ لیا‘تلاش شروع

اْوڑی//
شمالی کشمیر کے بارہمولہ ضلع کی اْوڑی تحصیل کے جبڈار بجہامہ علاقے میں جمعہ کی دیر شام ایک نابالغ لڑکی کو تیندوا اپنے ساتھ لے گیا۔
ایک مقامی خبر رساں ایجنسی کی رپوت کے مطابق لڑکی گھر کے باہر کھیل رہی تھی جب تیندوا اس پر ٹکرایا اور اسے قریبی جنگلوں میں لے گیا۔
پولیس نے واقعہ کی تصدیق کرتے ہوئے کہا کہ واقعہ کے فوراً بعد بجہامہ پولیس نے مقامی لوگوں کے ساتھ مل کر اس کی تلاش کیلئے بڑے پیمانے پر تلاشی مہم شروع کی۔
اس سال کے شروع میں اوڑی میں۳نوجوانوں کو تیندوے نے ہلاک کردیا تھا۔