الیکشن لڑنا بنیادی اور نہ ہی عام قانونی حق:سپریم کورٹ

نئی دہلی//
سپریم کورٹ نے کہا ہے کہ الیکشن لڑنے کا حق نہ تو بنیادی ہے اور نہ ہی عام قانونی حق ہے ۔
جسٹس ہیمنت گپتا اور جسٹس سدھانشو دھولیا کی بنچ نے ایک اسپیشل لیو پٹیشن کو مسترد کرتے ہوئے کہا’’کوئی شخص یہ دعویٰ نہیں کرسکتا کہ اسے الیکشن لڑنے کا حق ہے اور مذکورہ شرط اس کے بنیادی حق کی خلاف ورزی کرتی ہے ، اس لئے بغیر کسی تجویز کنندہ کے اپنی نامزدگی داخل کرنا جیساکہ ایکٹ کے تحت ضروری ہے ‘‘۔
راج بالا بمقابلہ ریاست ہریانہ ۲۰۱۶کے فیصلے کا حوالہ دیتے ہوئے‘ بنچ نے مشاہدہ کیا کہ اس عدالت نے کہا تھا کہ پارلیمنٹ کے دونوں ایوانوں میں کسی ایک نشست کے لیے انتخاب لڑنے کا حق کچھ آئینی پابندیوں کے ساتھ مشروط ہے اور اس پر صرف قانون کے ذریعے پابندی لگائی جا سکتی ہے ۔
عدالت عظمیٰ نے عرضی گزار کو عدالت کا وقت ضائع کرنے کے بدلے عدالت عظمیٰ کی قانونی امداد کمیٹی کو چار ہفتوں کے اندر اندر ایک لاکھ روپے جمع کرانے کا حکم دیتے ہوئے درخواست کو خارج کردیا۔
عرضی گزار وشوناتھ پرتاپ سنگھ نے ۲۱جون۲۰۲۲ سے یکم اگست۲۰۲۲تک ریٹائر ہونے والے اراکین کی نشستوں کو پُر کرنے کیلئے۱۲مئی۲۰۲۲کو راجیہ سبھا کے انتخابات کے لیے جاری نوٹیفکیشن کے سلسلے میں دہلی ہائی کورٹ کے سامنے ایک رٹ پٹیشن دائر کی تھی۔ نوٹیفکیشن کے مطابق کاغذات نامزدگی جمع کرانے کی آخری تاریخ۳۱مئی۲۰۲۲تھی۔
عدالت نے۹ستمبر کو اپنے حکم میں کہا ’’درخواست گزار کا موقف یہ ہے کہ اس نے نامزدگی فارم جمع کیا تھا، لیکن ایک مناسب تجویز کنندہ نے اپنا نام تجویز کیے بغیر، نامزدگی داخل کرنے کی اجازت نہیں دی گئی۔ درخواست گزار نے تجویز کنندہ کے بغیر امیدواری کی درخواست کی جسے قبول نہیں کیا گیا۔ اس لیے ان کا دعویٰ ہے کہ ان کے بولنے اور اظہار کے بنیادی حق اور ذاتی آزادی کے حق کی خلاف ورزی کی گئی ہے ‘‘۔
بنچ نے کہا کہ عرضی گزار کو پارلیمنٹ کے بنائے گئے قانون کے مطابق راجیہ سبھا کا الیکشن لڑنے کا کوئی حق نہیں ہے ۔ عوامی نمائندگی ایکٹ ۱۹۵۰؍اور الیکشن کنڈکٹ رولز ۱۹۶۱میں نامزدگی فارم بھرتے وقت مجوزہ امیدوار کے نام پر غور کیا گیا ہے ۔
عدالت عظمیٰ نے اپنے فیصلے میں کہا’’ہمیں معلوم ہوا ہے کہ ہائی کورٹ کے سامنے رٹ پٹیشن مکمل طور پر غلط تھی اور سپریم کورٹ کے سامنے موجودہ اسپیشل لیو پٹیشن بھی نامناسب ہے ۔‘‘