لیفٹیننٹ گورنر سے ریاستی درجے کی بحالی کے متعلق تبادلہ خیال کیا:الطاف بخاری

سرینگر/۴ستمبر
جموںکشمیر اپنی پارٹی کے صدر الطاف بخاری نے اتوار کے روز لیفٹیننٹ گورنر منوج سنہا کے ساتھ ملاقات کی جس دوران سٹیٹ ہڈ کی بحالی‘ نوجوانوں کی رہائی اور دوسرے مسائل پر گفت و شنید ہوئی۔
ایل جی نے الطاف بخاری کو یقین دلایا کہ جائز مسائل کو ترجیحی بنیادوں پر حل کرنے کی سعی کی جائے گی۔
یو این آئی اردو کے نامہ نگار نے بتایا کہ اپنی پارٹی کے ایک وفد جس کی سربراہی الطاف بخاری کر رہے تھے نے اتوار کے روز راج بھون سری نگر میں لیفٹیننٹ گورنر منوج سنہا کے ساتھ ملاقات کی۔
ملاقات کے بعد نامہ نگار وں سے بات چیت کے دوران الطاف بخاری نے کہاکہ میٹنگ کے دوران ایل جی کو سٹیٹ ہڈی کی بحالی اور دوسرے اہم مسائل کے بارے میں آگاہی فراہم کی ۔
بخاری نے بتایا کہ حال کے دنوں میں بھرتی ایجنسی کی جانب سے جو تحریری امتحانات منسوخ کئے گئے اُس پر بھی بات ہوئی اور ایل جی صاحب نے یقین دلایاکہ شفافیت کو یقینی بنانے کی خاطر کوئی کسر باقی نہیں چھوڑ دی جائے گی۔
اپنی پارٹی کے صدر نے مزید بتایا کہ ملاقات کے دوران ایل جی نے بتایا کہ رواں ہفتے ہی اُبھارے گئے مسائل اعلیٰ حکام کی نوٹس میں لائیں گے ۔
نظر بند نوجوانوں کی رہائی کے بارے میں الطاف بخاری نے بتایا کہ ایل جی منوج سنہا کو اس بارے میں بھی جانکاری فراہم کی گئی اور اُنہوں نے یقین دلایا کہ اس معاملے پر بھی غور وغوض ہوگا۔