وزیر اعظم نے انسانیت کا مطاہرہ کیا :آزاد

نئی دہلی/۲۹ اگست
کانگریس کے سابق رہنما غلام نبی آزاد نے پیر کے روز کہا کہ انہوں نے وزیر اعظم نریندر مودی کو ایک ’کچا آدمی‘ مان لیا تھا لیکن انہوں نے راجیہ سبھا میں ان کی الوداعی تقریر کے دوران دہشت گردی سے متعلق ایک واقعہ کو یاد کرتے ہوئے انسانیت کا مظاہرہ کیا۔
آزاد کے کانگریس چھوڑنے کے بعد، پارٹی نے الزام لگایا تھا کہ وہ’مودی پسند‘ ہیں اور کئی رہنماو¿ں نے گزشتہ سال فروری میں راجیہ سبھا میں مودی کی تقریر کا حوالہ دیتے ہوئے ان پر حملہ کیا جس میں آنسو بہاتے وزیر اعظم نے آزاد کو ’سچا دوست‘ قرار دیا تھا۔
مودی نے۲۰۰۷ میں جموں و کشمیر میں اپنی ریاست گجرات سے لوگوں کو لے جانے والی بس پر ہوئے دہشت گردانہ حملے کو یاد کیا جب وہ وزیر اعلیٰ تھے اور آزاد کے ساتھ ان کی بات چیت، جو اس وقت جموں و کشمیر کے وزیر اعلیٰ تھے۔
نامہ نگاروں سے بات کرتے ہوئے آزاد نے کہا کہ مودی کی ان کی ریٹائرمنٹ پر جذباتی تقریر کو کچھ ’ناخواندہ‘ کانگریسیوں نے ایک مختلف موڑ دیا اور ایوان میں ان کے جذبات کا اظہار سانحہ کے بارے میں تھا نہ کہ ایک دوسرے کےلئے۔
آزاد نے کہا”میں نے فرض کیا تھا کہ مودی صاحب ایک خام آدمی ہیں کیونکہ ان کے بچے یا ان کا اپنا کنبہ نہیں ہے …. اور اس کی پروا نہیں کریں گے لیکن کم از کم انہوں نے انسانیت کا مظاہرہ کیا ہے“۔
راہل گاندھی پر طنز کرتے ہوئے انہوں نے کہا کہ یہ راہل ہی تھے جنہوں نے پارلیمنٹ میں مودی کو گلے لگایا۔
کانگریس کی تنقید کے بارے میں پوچھے جانے پر، آزاد نے کہا کہ مودی محض ایک بہانہ ہیں اور جب سے انہوں نے اور۲۲ دیگر کانگریسیوں نے اگست ۰۲۰۲ میں سونیا گاندھی کو خط لکھا تھا، ان کے کام کرنے کے طریقے کو چیلنج کرتے ہوئے وہ ناراض تھے۔
آزاد پارٹی میں بڑے پیمانے پر اصلاحات کے لیے جی ۲۳ کے اختلافی گروپ کے بھیجے گئے خط کا حوالہ دے رہے تھے۔
آزاد نے الزام لگایا کہ انہیں ”میرا گھر چھوڑنے پر مجبور کیا گیا ہے“ کیونکہ ان کی بات نہیں سنی گئی۔انہوں نے کہا کہ اس خط کے بعد کئی ملاقاتیں ہوئیں اور ہم نے اپنے خیالات سونیا گاندھی کے سامنے رکھے لیکن ہماری کسی بھی تجویز پر عمل نہیں کیا گیا۔
سابق کانگریسی لیڈر نے کہا کہ وہ جی۲۳ خط لکھنے سے پہلے اور بعد میں چھ دن تک نہیں سوئے کیونکہ ’ہم نے پارٹی کےلئے خون دیا“۔
آزاد نے کہا کہ سونیا گاندھی کے لیے ان کا احترام وہی ہے جو ۳۰ سال پہلے تھا اور راہول گاندھی کے لیے بھی وہی ہے جیسا کہ وہ اندرا گاندھی اور راجیو گاندھی کے خاندان سے تعلق رکھتے ہیں۔