دوردرشن آج سے ’سوراج، بھارت کے سواتنترتا سنگرام کی سماگرا گاتھا‘ نشر کریگا

سرینگر//
دوردرشن۱۴؍ اگست سے سیریل ’’سوراج۔ بھارت کے سواتنترتا سنگرام کی سماگرا گاتھا‘‘ کو ٹیلی کاسٹ کرے گا۔
ان باتوں کا اظہار ایس ایس سنجیو، ڈپٹی ڈائریکٹر جنرل اور دفتر کے سربراہ، آل انڈیا ریڈیو اور دوردرشن کیندرا(ڈی ڈی کے) سرینگر نے کیا۔
ہفتہ کو دوردرشن کیندرا سرینگر میں مختلف میڈیا سے وابستہ شخصیات کے ایک اجتماع سے خطاب کرتے ہوئے ایس سنجیو نے کہا کہ۷۵؍ اقساط پر مشتمل یہ سیریل ہر اتوار کو رات ۹ بجے ٹیلی کاسٹ کیا جائے گا۔ انہوں نے مزید کہا کہ یہ سیریل مجاہدِ آزادی اور جدوجہد آزادی کے گمنام ہیروز کی خدمات کو اجاگر کرے گا۔
اس موقع پر ’’سوراج‘‘ کا پرومو بھی دکھایا گیا اور پیش کیا گیا۔ اس موقع پر فصیح الزمان، پروگرام ہیڈ ڈی ڈی کے‘ سلمان قاضی، ہیڈ ریجنل نیوز یونٹ ڈی ڈی کے اور طارق راتھر، سربراہ پریس انفارمیشن بیورو سرینگر بھی موجود تھے۔
’سوراج‘ سیریل کا آغاز ۵؍ اگست ۲۰۲۲ کو آکاشوانی بھون میں ایک تقریب میں مرکزی وزیر داخلہ اور تعاون امیت شاہ نے مرکزی وزیر اطلاعات و نشریات انوراگ سنگھ ٹھاکر اور مرکزی وزیر مملکت برائے اطلاعات و نشریات ڈاکٹر ایل مروگن کی موجودگی میں کیا تھا۔
یہ سیریل ۱۴؍ اگست کو ڈی ڈی نیشنل پر ہندی میں اور اس کے بعد نو علاقائی زبانوں میں دوردرشن کے علاقائی نیٹ ورک پر نشر کیا جائے گا۔
اسے انگریزی میں بھی ڈب کیا جا رہا ہے۔ سیریل کی ہر تازہ قسط اتوار کو رات ۹ بجے سے رات ۱۰ بجے تک دیکھی جائے گی اور اسے منگل، جمعرات، ہفتہ اور اتوار کو دہرایا جائے گا۔
سیریل کا آڈیو ورڑن ہفتہ کی صبح۱۱ بجے سے آل انڈیا ریڈیو نیٹ ورک پر نشر کیا جائے گا۔’سوراج، بھارت کے سواتنترتا سنگرام کی سماگرا گاتھا‘۱۵ ویں صدی کے بعد سے ہندوستان کی آزادی کی جدوجہد کی شاندار تاریخ کو بیان کرے گا جب واسکوڈاگاما ہندوستان میں اترا تھا۔
اس سیریل میں ہندوستانی تاریخ کے کئی پہلوؤں کو دکھایا جائے گا جس میں آزادی کی جدوجہد کے غیر معروف ہیروز کی زندگیوں اور قربانیوں کو دکھایا جائے گا۔
اس سیریل کے پیچھے خیال ہندوستان کی ’سوراج‘ کی تلاش کی آڈیو وڑول تاریخ کو دوبارہ پیش کرنا ہے۔ تصویروں، فلموں، زبانی تاریخوں، ذاتی یادداشتوں، خود نوشتوں، سوانح عمریوں اور کثیر لسانی علاقائی ادب کا ذخیرہ زیادہ تر غیر دریافت شدہ اور عوامی شعور سے بڑی حد تک غائب ہے۔ اس طرح کے مسائل، آئیکانز، واقعات اور تنظیموں کی سمعی و بصری نمائندگی ’سوراج کی تلاش‘ کے اس وسیع تر جامع فریم ورک میں تیار کی جائے گی اور اعلیٰ معیار کی پروڈیکشن کے ۷۵ قسطووں پر مشتمل سیریل کی شکل میں عوام کے سامنے پیش کی جائے گی۔
ہندوستان میں ’سوراج‘ کی تلاش اور قیام کے بڑے مباحثے میں تیار کردہ آن اسکرین تاریخی بیانیہ قومی اور بین الاقوامی سامعین کو ملک کی روح کو ایک تازہ اور نئے تناظر کے ساتھ سمجھنے میں مدد کرے گا اور غیر معروف ہیروز کو ان کا حق دے گا جیسا کہ وہ مستحق ہیں۔
’سوراج‘ کا تصور دوردرشن کے مشہور سیریل کے طور پر کیا گیا ہے جو ایک قومی تحریک میں بدل جائے گا جو عوام کو خاص طور پر نوجوانوں کو ہندوستان کی بھرپور تاریخ کے بارے میں متاثر کرے گا اور ہر ہندوستانی کے دل کو فخر سے بھر دے گا۔
’سوراج‘ کے ساتھ ساتھ، دوردرشن چار دیگر سیریل شروع کر رہا ہے۔ ان میں ’جے بھارتی‘ ’کارپوریٹ سرپنچ‘ اور ’یہ دل مانگے مور‘ شامل ہیں۔ ان سیریلز میں حب الوطنی اور خواتین کو بااختیار بنانے کے پیغامات ہیں اور ۱۵ ؍اگست سے شروع ہونے والے ڈی ڈی نیشنل پر پرائم ٹائم پر پیر سے جمعہ تک ٹیلی کاسٹ کیے جائیں گے۔
ایک اور سیریل ’سوروں کا ایکلویہ‘ ایک رئیلٹی میوزک شو کے طور پر بہت زیادہ تفریحی اہمیت رکھتا ہے۔ یہ ہفتہ اور اتوار کو۱۴؍ اگست سے شام ۸بجے سے رات ۹بجے تک ٹیلی کاسٹ کیا جائے گا۔ڈی ڈی نیوز اور ڈی ڈی نیشنل پر اسٹارٹ اپس پر توجہ مرکوز کرنے والا ایک شو بھی آرہا ہے۔
’سٹارٹ اپ چیمپینز۰ء۲‘ ۴۶نیشنل ایوارڈ یافتہ اسٹارٹ اپس کے سفر اور کامیابی کو ظاہر کرتا ہے۔ یہ ہفتہ کو رات ۹بجے ڈی ڈی نیوز پر اور اتوار کو دوپہر ۱۲بجے ڈی ڈی نیشنل پر ہوگا۔اس شو کا انگریزی ورڑن ہر ہفتہ کی رات۱۰بجے ڈی ڈی انڈیا پر ہوگا۔
نئے سیریل دوردرشن کے لیڈ چینل ڈی ڈی نیشنل کو بہتر بنانے میں مددگار ثابت ہوں گے۔ اس بعد مستقبل میں، دوردرشن موجودہ موضوعات پر بامعنی گفتگو کے ساتھ نئے پروگرام اور نیوز شوز متعارف کروا کر اپنے علاقائی چینلز کو بہتر بنانے کا منصوبہ رکھتا ہے۔