جموںکے مقابلے میں وادی میں کیسوں میں زیادہ اضافہ

جموں//
جموں کشمیر میں پچھلے چوبیس گھنٹوں کے دوران کورونا وائرس کا صرف ۶۲۶نئے معاملات سامنے آئے ہیں۔اس مدت کے دوران دونوںصوبوں میں کورونا سے کوئی تازہ موت درج نہیں ہو ئی ہے ۔
ایک سرکاری بیان میں کہا گیا ہے کہ مجموعی ۶۲۶ مثبت معاملات میں سے ۵۱۲کا کشمیر اور۱۱۴ کا تعلق جموں صوبہ سے ہے۔
اِس طرح مثبت معاملات کی کل تعداد۴لاکھ۷۰ہزار۸۲۷تک پہنچ گئی ہے‘جن میں سے۵۱۴۶(صوبہ جموں میں ۱۱۳۵؍اور کشمیر صوبے میں۴۰۱۱)سر گرم معاملات ہیں۔اَب تک۴لاکھ۶۰ہزار۹۰۵؍اَفراد صحت یاب ہوئے ہیں ۔
بیان کے مطابق پچھلے چوبیس گھنٹوں کے دوران ضلع سرینگر میں۱۶۷‘ضلع بارہمولہ میں۱۰۵،ضلع بڈگام میں۸۱، ضلع پلوامہ میں ۱۵ ،ضلع کپواڑہ میں۶۴،ضلع اسلام آباد میں۲۲ ، ضلع بانڈی پورہ میں ۱۴‘ ضلع گاندربل میں ۲۴‘ ضلع شوپیان میں ایک اورضلع کولگام میں۱۹ نئے معاملے درج کئے گئے ہیں۔
اِسی طرح ضلع جموں میں۷۲، ضلع اودھمپور میں۵،ضلع راجوری میں۲، ضلع ڈوڈہ میں۸‘ضلع کٹھوعہ میں۳،ضلع سانبہ میں۲ ، ضلع پونچھ میں ۳،ضلع رام بن میں۹ ، ضلع کشتواڑ میں۹؍اورضلع ریاسی میں ایک نیا مثبت معاملے سامنے آیاہے۔
اِسی دوران آج مزید۵۲۵؍اَفراد شفایاب ہوئے ہیںجن میں۴۰۳صوبہ کشمیر اور۱۲۲کا تعلق جموں صوبہ سے ہیں۔
بیان میں کہا گیا ہے کہ گزشتہ ۲۴ گھنٹوں میں جموں یا کشمیر سے کورونا وائرس سے کوئی نئی موت درج نہیںہو ئی ہے ۔جموں وکشمیر میں کوروناوائرس سے مرنے والوں کی مجموعی تعداد۴۷۷۶تک پہنچ گئی‘جن میںسے۲۴۳۰کاکشمیر اور۲۳۴۶کاتعلق جموں صوبہ سے ہیں۔