بہار:نتیش کمار نے بی جے پی سے پھر ناطہ توڑدیا

پٹنہ/۹اگست
نتیش کمار نے بہار میں بی جے پی سے اتحاد ختم کر دیا ہے۔ ذرائع نے بتایا کہ وہ آج شام گورنر سے تیجسوی یادو کے ساتھ ملاقات کرنے والے ہیں۔
وزیر اعلیٰ نتیش کمار نے بی جے پی سے دوسری بار ناطہ توڑنے کے اپنے فیصلے پر آنے سے پہلے اپنے ایم ایل اے سے ملاقات کی۔ ان کی پارٹی کے ایک سینئر رہنما نے میٹنگ سے پہلے بتایا”دھماکہ خیز خبروں کی توقع ہے“۔
بی جے پی کے ایک سینئر ذریعہ جس نے نام ظاہر نہ کرنے کی شرط پر یہ بھی انتباہ کیا تھا“اس اتحاد کے زندہ رہنے کی امید رکھنا ایسے ہی ہے جیسے کسی بیمار مریض کے خاندان نے امید چھوڑنے سے انکار کر دیا ہو“۔
ذرائع نے بتایا کہ گورنر کے ساتھ ان کی ملاقات کے لیے نتیش کمار کے ساتھ تیجسوی یادو اور ممکنہ طور پر دیگر اپوزیشن لیڈر بھی ہوں گے جو ممکنہ طور پر نئی حکومت کی سربراہی کے ان کے دعوے کی حمایت کریں گے۔
پیر کو دارلحکومت پٹنہ میں پارٹی کے ایم ایل ایز اور ایم پیز کی میٹنگ کو لے کر سیاسی نشیب و فراز کا دور جاری رہا، وہیں بی جے پی کیمپ میں ہلچل مچ گئی۔
بی جے پی کی جانب سے نائب وزیر اعلیٰ ترکیشور پرساد کی رہائش گاہ پر شام دیر گئے تک میٹنگ ہوئی، جب کہ بی جے پی کی مرکزی قیادت بھی پورا دن اس مسئلے کو حل کرنے میں لگی ہے۔
بدلتے ہوئے سیاسی حالات کے درمیان اپوزیشن لیڈر تیجسوی یادو نے آج پٹنہ میں آر جے ڈی لیجسلیچر پارٹی کی میٹنگ بلائی ہے۔
بتایاجارہا ہے کہ تیجسوی جے ڈی یو کے ساتھ حکومت بنانے کے لیے اپنے ایم ایل اے کے ساتھ بات چیت کریں گے۔ کہا جا رہا ہے کہ تیجسوی نتیش کی قیادت میں حکومت بنانے کے لیے تیار ہیں، لیکن ان کے کئی ارکان اسمبلی اور لالو خاندان کے بہت سے لوگ نتیش کمار کو وزیر اعلیٰ کے طور پر قبول کرنے کو تیار نہیں ہیں