وادی میںکئی دنوں بعد موسم خشک رہا

سرینگر//
کئی روز کی بارشوں کے بعد محکمہ موسمیات نے وادی کشمیر میں موسم خشک و گرم رہنے کی پیش گوئی کی ہے ۔
محکمے کے ایک ترجمان نے بتایا کہ وادی میں اگلے چوبیس گھنٹوں کے دوران موسم خشک رہنے کا امکان ہے ۔انہوں نے کہا کہ اس دوران منگل کو بعد سہہ پہر کے کہیں کہیں ہلکی بارشیں متوقع ہیں لیکن اس کا بہت کم امکان ہے ۔ان کا کہنا تھا کہ اگلے دو روز کے دوران بھی موسم خشک رہ سکتا ہے اور اس دوران میوہ باغ مالکان اپنے باغوں کی دوا پاشی کر سکتے ہیں۔ادھر بارشوں کے باعث وادی میں شبانہ درجہ حرارت معمول سے نیچے درج ہوا۔
دار لحکومت سرینگر میں کم سے کم درجہ حرارت۵ء۱۷ڈگری سینٹی گریڈ ریکارڈ کیا گیا جو معمول سے ۴ء۱ڈگری سینٹی گریڈ کم ریکارڈ ہوا تھا۔سری نگر میں گذشتہ چوبیس گھنٹوں کے دوران۶ء۰ملی میٹر بارش بھی ریکارڈ ہوئی ہے ۔
سیاحتی مقام گلمرگ میں کم سے کم درجہ حرارت۵ء۸ڈگری سینٹی گریڈ ریکارڈ کیا گیا جو معمول سے۷ء۳ڈگری سینٹی گریڈ ریکارڈ کیا گیا۔گلمرگ میں گذشتہ چوبیس گھنٹوں کے دوران۶ء۲ملی میٹر بارش ریکارڈ ہوئی ہے ۔
ایک اور سیاحتی مقام پہلگام میں کم سے کم درجہ حرارت۶ء۹ڈگری سینٹی گریڈ ریکارڈ کیا گیا جو معمول سے۰ء۴ڈگری سینٹی گریڈ کم ریکارڈ ہوا تھا۔پہلگام میں گذشتہ چوبیس گھنٹوں کے دوران۱ء۶ملی میٹر بارش ریکارڈ ہوئی ہے ۔
شمالی ضلع کپوارہ میں کم سے کم درجہ حرارت۶ء۱۴ڈگری سینٹی گریڈ ریکارڈ کیا گیا جو معمول سے ۸ء۲ڈگری سینٹی گریڈ کم یکارڈ ہوا تھا۔کپوارہ میں گذشتہ چوبیس گھنٹوں کے دوران۱ء۱ملی میٹر بارش ریکارڈ ہوئی ہے ۔
قصبہ قاضی گنڈ میں کم سے کم درجہ حرارت۲ء۱۶ڈگری سینٹی گریڈ ریکارڈ کیا گیا جو معمول سے۰ء۱ڈگری سینٹی گریڈ کم ریکارڈ ہوا تھا۔قاضی گنڈ میں گذشتہ چوبیس گھنٹوں کے دوران۸ء۲ملی میٹر بارش ریکارڈ ہوئی ہے ۔