بارشوں کا سلسلہ جاری ‘آئندہ ۲۴ گھنٹوں میں مزید بارشوں کا امکان

سرینگر//
وادی کشمیر میں وقفے وقفے سے بارشوں کا سلسلہ جاری رہتے ہوئے شبانہ درجہ حرارت معمول سے نیچے درج ہوا ہے ۔
ادھر بارشوں کا سلسلہ جاری رہنے سے جہاں وادی بالخصوص سرینگر کے نشیبی علاقوں کی سڑکیں اور گلی کوچے زیر آب ہیں وہیں دریائے جہلم میں پانی کی سطح بھی قدرے بڑھ گئی ہے ۔
محکمہ موسمیات نے وادی میں اگلے چوبیس گھنٹوں کے دوران مزید بارشوں کی پیش گوئی کی ہے ۔
محکمے ایک ترجمان کے مطابق وادی میں اگلے چوبیس گھنٹوں کے دوران گرج چمک کے ساتھ ساتھ رک رک کر بارشیں ہونے کا امکان ہے ۔وادی میں جاری بارشوں سے شبانہ درجہ حرارت معمول سے نیچے درج ہوا ہے ۔
دارلحکومت سرینگر‘جہاں گذشتہ چوبیس گھنٹوں کے دوران۲ء۹ملی میٹر ریکارڈ ہوئی ہے ، میں کم سے کم درجہ حرارت۰ء۱۷ڈگری سینٹی گریڈ ریکارڈ کیا گیا جو معمول سے ۹ء۱ڈگری سینٹی گریڈ کم ریکارڈ ہوا تھا۔
وادی کے مشہور زمانہ سیاحتی مقام گلمرگ میں گذشتہ چوبیس گھنٹوں کے دوران۸ء۸ملی میٹر بارش ریکارڈ ہوئی ہے جبکہ کم سے کم درجہ حرارت۶ء۸ڈگری سینٹی گریڈ ریکارڈ کیا گیا جو معمول سے۹ء۳ڈگری سینٹی گریڈ کم ریکارڈ ہوا تھا۔
سیاحتی مقام پہلگام میں گذشتہ چوبیس گھنٹوں کے دوران سب سے زیادہ۴ء۳۱ملی میٹر بارش ریکارڈ ہوئی ہے جبکہ کم سے کم درجہ حرارت۲ء۱۳ڈگری سینٹی گریڈ ریکارڈ کیا گیا جو معمول سے ۴ء۰ڈگری سینٹی گریڈ کم ریکارڈ ہوا تھا۔
شمالی ضلع کپوارہ میں گذشتہ چوبیس گھنٹوں کے دوران۴ء۱۳ملی میٹر بارش ریکارڈ ہوئی ہے جبکہ کم سے کم درجہ حرارت۹ء۱۵ڈگری سینٹی گریڈ ریکارڈ کیا گیا جو معمول سے ۵ء۱ڈگری سینٹی گریڈ ریکارڈ ہوا تھا۔
قصبہ قاضی گنڈ میں گذشتہ چوبیس گھنٹوں کے دوران۸ء۱۲ملی میٹر بارش ریکارڈ ہوئی ہے جبکہ کم سے کم درجہ حرارت۲ء۱۶ڈگری سینٹی گریڈ ریکارڈ کیا گیا جو معمول سے ۲ء۱ڈگری سینٹی گریڈ کم ریکارڈ ہوا تھا۔
دریں اثنا وادی میں پیر کو بھی صبح سے ہی مطلع ابر آلود رہا اور رک رک کر بارشوں کا سلسلہ جاری رہا۔
بارشوں سے وادی بالخصوص سرینگر کے نشیبی علاقوں کی سڑکیں اور گلی کوچے زیر آب ہیں جس سے لوگوں کا عبور و مرر مشکل ہی نہیں بلکہ کئی جگہوں پر پُر خطر بھی بن گیا ہے ۔