سری نگر؍۱۲ ستمبر
بڈگام ضلع کے سوئی بگ علاقے میں ہفتہ کو ایک کار کی موٹر سائیکل سے ٹکر کے نتیجے میں۲۹ سالہ شخص اور اس کا تین سالہ بیٹا جاں بحق، جبکہ اس کی اہلیہ شدید زخمی ہوگئیں۔
ایک عہدیدار نے بتایا کہ کار بڈگام سے سوئی بگ کی جانب جارہی تھی جب اس نے موٹر سائیکل کو ٹکر مار دی۔انہوں نے بتایا کہ حادثے میں موٹر سائیکل سوار اور اس کا تین سالہ بیٹا موقع پر ہی جاں بحق ہوگئے، جبکہ موٹر سائیکل پر سوار خاتون شدید زخمی ہوگئیں۔
جاں بحق افراد کی شناخت نصیر احمد میر(۲۹) ولد غلام حسن، ساکن گھوم احمد پورہ، ماگام، اور ان کے تین سالہ بیٹے ہادی کے طور پر ہوئی ہے۔ زخمی خاتون کی شناخت دلشادہ اختر(۲۶) کے طور پر کی گئی ہے۔
عہدیدار کے مطابق دلشادہ اختر کو شدید زخمی حالت میں علاج کے لیے اسپتال منتقل کیا گیا، تاہم ان کی حالت کے بارے میں فوری طور پر کوئی اطلاع نہیں مل سکی۔
پولیس نے واقعے کا نوٹس لیتے ہوئے تحقیقات شروع کردی ہے۔
۔۔۔۔(ایجنسیاں )
