کتے خوش قسمت ہیں …. ہم سے بھی زیادہ خوش قسمت ہیں ۔ بے زبان ہیں …. لیکن بے زبان ہونے کے باوجود ان کی زبان ہے…. لوگ ان کی زبان بن جاتے ہیں اور ان کے’حق‘ کیلئے لڑتے ہیں….اس لئے یہ…. یہ کتے خوش قسمت ہیں ۔ خوش قسمت اس لئے بھی کہ ملک میں ایسے لاکھوں کروڑوں انسان ہیں…. جن کے حقوق پر روز شب خون مارا جاتا ہے‘ ڈاکہ دالا جاتا ہے…. لیکن کوئی ان کی زبان بن کر سامنے نہیں آتا ہے…. کوئی ان کے ’حق‘ کو تسلیم کرکے ان کے اس حق کیلئے لڑتا نہیں ہے…. کوئی نہیں ۔ لیکن نہ جانے ان کتوں میں…. جانوروں میں ایسا کیا ہے جو لوگ ان کے حق اور اس حق کے تحفظ کیلئے آگے آتے ہیں…. دوسروں حتیٰ کہ عدلیہ سے بھی لڑ جھگڑتے ہیں…. صاحب ہمیں کوئی اعتراض نہیں ہے….بالکل بھی نہیں ہے ۔ لیکن ایک بات جو ہم نہیں سمجھ رہے ہیں کہ یہ کےسے لوگ ہیں‘ جن کا دل کتوں کیلئے تڑپتا تو ہے لیکن انسان کیلئے دھڑکتا نہیں ہے…. یہ کیسے لوگ ہیں…. وہ کتوں کے کاٹے لوگوں کی بات نہیں کریں گے‘ کتوں کے کاٹنے سے ملک بھر میں ہو رہی اموات سے ان کا دل پسیج نہیں جاتا ہے…. لیکن جب کبھی ان آواری کتوں کےخلاف کارروائی کی کوئی بات کرتا ہے تو …. تو ان کی راتوں کی نیند اڑ جاتی ہے ….کتے انسانوں کے ساتھ کچھ بھی کریں…. انہیں کاٹ کھائیں وہ ان کوگوں کو قبول ہے…. لیکن یہ قبول نہیں کہ انسانوں کو کتوں سے نجات دلانے کیلئے‘ چھٹکارہ پانے کیلئے کوئی قدم اٹھایا جائے۔ …. لیکن ایسا کیوں ہے‘یہ کیسے ممکن ہے؟ …. شاید ایسا اس لئے ممکن ہے کہ…. کہ یہ حضرات جن پاش علاقوں میں رہتے ہیں…. وہاں آوارہ کتوں کا داخلہ ممنوع ہے…. وہاں کتوں کا کیا انسانوں کا داخلہ بھی ممنوع ہے…. ان عام خام انسانوں کا جنہیں یہ آوارہ کتے کاٹ کھاتے ہیں…. جن کا یہ لقمہ بن جاتے ہیں…. اس لئے …. شاید اسی لئے ان لوگوں کی ساری کی ساری ہمدردیاں ان کتوں سے ہے کیونکہ ان کے نزدیک ہم اور آپ جیسے لوگوں…. عام خام لوگوں کی حیثیت کیڑے مکوڈوں اور کتوں سے بھی گئی گزری ہے…. اس لئے آوارہ کتے ہمیں کاٹ کھائیں اس سے انہیں کوئی فرق نہیں پڑتا ہے اور…. اور اس لئے نہیں پڑتاہے کیوں آوارہ کتے انہیں کاٹتے نہیں ہیں…. کاٹ نہیں سکتے ہیں ۔ ہے نا؟
۔۔۔۔
