اننت ناگ؍۸مئی
جنوبی کشمیر کے ضلع اننت ناگ کے کوکرناگ علاقے میں سینٹرل ریزرو پولیس فورس (سی آر پی ایف) کے ایک اہلکار نے مبینہ طور اپنی سروس رائفل سے خود کو گولی مار کر خودکشی کر لی۔ حکام نے جمعہ کے روز یہ جانکاری دی۔
یہ واقعہ جمعرات کی شب کوکرناگ میں سی آر پی ایف کی تعیناتی والی ایک جگہ پر پیش آیا۔
متوفی کی شناخت کانسٹیبل ستیش کمار کے طور پر ہوئی ہے، جو ہریانہ کے ضلع ریواڑی کے رہائشی تھے اور کشمیر میں سی آر پی ایف کی۱۶۴ویںبٹالین کے ساتھ تعینات تھے۔
حکام کے مطابق کانسٹیبل نے مبینہ طور اپنی سروس رائفل کا استعمال کرتے ہوئے خود کو گولی مار لی۔ واقعے کے حالات کی تحقیقات جاری ہیں۔
واقعے میں وہ شدید زخمی ہوئے اور بعد ازاں انہیں مردہ قرار دے دیا گیا۔
اس واقعے کے بعد سیکورٹی اداروں میں تشویش کی لہر دوڑ گئی، جس کے بعد پولیس اور سی آر پی ایف حکام نے ضروری قانونی اور محکمانہ کارروائی شروع کر دی۔
متوفی کی لاش کو قانونی و طبی کارروائی مکمل کرنے کے بعد اہل خانہ کے سپرد کر دیا گیا۔
