ڈی آئی پی آر
جموں؍ یکم اپریل
شریہ سنگھل، آئی اے ایس نے آج جموں و کشمیر کی ڈائریکٹر اطلاعات کا چارج سنبھال لیا۔
عہدہ سنبھالنے کے بعد انہوں نے محکمہ اطلاعات و تعلقاتِ عامہ (ڈی آئی پی آر) کے سینئر افسران اور اہلکاروں کے ساتھ تعارفی اجلاس منعقد کیا۔
سنگھل نے شفاف، بروقت اور عوام مرکوز اطلاعات کی ترسیل کی اہمیت پر زور دیا۔ انہوں نے کہا کہ محکمہ اطلاعات حکومت اور عوام کے درمیان ایک اہم پل کا کردار ادا کرتا ہے اور ترقیاتی منصوبوں اور فلاحی پروگراموں کے بارے میں آگاہی پھیلانے کے لیے مؤثر ابلاغ نہایت ضروری ہے۔
ڈائریکٹر انفارمیشن نے مواصلاتی حکمت عملی کو جدید خطوط پر استوار کرنے کے عزم کا اعادہ کیا، جس میں ڈیجیٹل پلیٹ فارمز کا انضمام، میڈیا کوآرڈی نیشن کو بہتر بنانا اور اسٹیک ہولڈرز کے ساتھ مثبت و تعمیری روابط کو فروغ دینا شامل ہے۔
اس موقع پر جوائنٹ ڈائریکٹر اطلاعات (ہیڈکوارٹر) ڈاکٹر ظہور احمد رینہ، جوائنٹ ڈائریکٹر اطلاعات جموں دیپک دوبے، ڈپٹی ڈائریکٹر اطلاعات (پی آر اینڈ اے وی) جاوید احمد راتھر سمیت دیگر سینئر افسران اور اہلکار بھی موجود تھے۔
