سرینگر؍۷مارچ
جموں وکشمیر کے وزیر اعلیٰ عمر عبداللہ نے یونین پبلک سروس کمیشن (یو پی ایس سی) سول سروسز امتحان۲۰۲۵میں کامیابی حاصل کرنے والے جموں و کشمیر کے تمام امیدواروں کو مبارکباد پیش کی ہے۔
واضح رہے کہ یو پی ایس سی سول سروسز امتحان۲۰۲۵جن کے نتائج کا اعلان جمعہ کو کیا گیا، میں جموں وکشمیر سے تعلق رکھنے والے۱۷امید وار کامیاب ہوئے ہیں۔
عمر عبداللہ نے ان تمام امیدواروں کو مبارکباد پیش کرتے ہوئے کہا کہ ان کی یہ کامیابی محنت، عزم اور ثابت قدمی کی عکاس ہے اور یہ پورے خطے میں بے شمار نوجوان امیدواروں کو اپنے خوابوں کی تکمیل کے لئے پختہ ارادے اور لگن کے ساتھ آگے بڑھنے کی ترغیب دے گی۔
وزیر اعلیٰ کے ’ایکس‘ ہینڈل پر ایک پوسٹ میں کہا گیا’’وزیر اعلیٰ نے جموں و کشمیر کے ان امیدواروں کو مبارکباد دی جنہوں نے یو پی ایس سی سول سروسز امتحان میں کامیابی حاصل کی ہے‘۔
پوسٹ میں مزید کہا گیا’’انہوں نے کہا کہ ان کی یہ کامیابی محنت، عزم اور ثابت قدمی کی عکاس ہے اور یہ پورے خطے میں بے شمار نوجوان امیدواروں کو اپنے خوابوں کی تکمیل کے لئے پختہ ارادے اور لگن کے ساتھ آگے بڑھنے کی ترغیب دے گی
