جموں؍۵مارچ
حکومت جموں و کشمیر کے جنرل ایڈمنسٹریشن ڈیپارٹمنٹ(جی اے ڈی)نے جمعرات کو انتظامی مفاد میں کئی افسران کے تبادلوں اور نئی تعیناتیوں کے احکامات جاری کیے ہیں۔
ایک حکومتی حکم نامہ کے مطابق درج ذیل تبادلے اور تقرریاں فوری طور پر نافذ العمل ہوں گی۔
انو ردھا ابھروُل، جو جی اے ڈی میں ایڈجسٹمنٹ کی منتظر تھیں، کو محکمہ صنعت و تجارت میں تعینات کیا گیا ہے جہاں وہ ایڈمنسٹریٹو سیکریٹری کے ساتھ کام کریں گی۔
ریاض احمد بانگرو، جو محکمہ زراعت پیداوار میں پرائیویٹ سیکریٹری تھے، کو تبادلہ کر کے محکمہ خزانہ میں ایڈمنسٹریٹو سیکریٹری کے ساتھ تعینات کیا گیا ہے۔
منیش گپتا، پرائیویٹ سیکریٹری محکمہ خزانہ، کو تبادلہ کر کے محکمہ زراعت پیداوار میں ایڈمنسٹریٹو سیکریٹری کے ساتھ تعینات کیا گیا ہے۔
ونود کمار بھٹ، پرائیویٹ سیکریٹری محکمہ زراعت پیداوار، کو تبادلہ کر کے محکمہ خزانہ میں ایڈمنسٹریٹو سیکریٹری کے ساتھ تعینات کیا گیا ہے۔
سرور احمد جان، پرائیویٹ سیکریٹری محکمہ خزانہ، کو تبادلہ کر کے محکمہ صحت و طبی تعلیم میں ایڈمنسٹریٹو سیکریٹری کے ساتھ تعینات کیا گیا ہے۔
محمد الطاف وانی، ہیڈ اسسٹنٹ محکمہ زراعت پیداوار، کو تبادلہ کر کے محکمہ خزانہ میں ایڈمنسٹریٹو سیکریٹری کے ساتھ تعینات کیا گیا ہے۔
عرفان اللہ، دفتر دار محکمہ زراعت پیداوار، کو بھی تبادلہ کر کے محکمہ خزانہ میں ایڈمنسٹریٹو سیکریٹری کے ساتھ تعینات کیا گیا ہے۔
حکم نامے کے مطابق منظور احمد بھٹ، کلاس چہارم ملازم جموں و کشمیر سیمنٹس لمیٹڈ، کو محکمہ زراعت پیداوار سے واپس بلا کر محکمہ خزانہ میں ایڈمنسٹریٹو سیکریٹری کے ساتھ تعینات کیا گیا ہے۔ انہیں وہی شرائط و ضوابط حاصل رہیں گے جو ان کی ابتدائی ڈیپوٹیشن کے حکم میں درج تھے۔
یہ احکامات حکومت کے کمشنر/سیکریٹری ایم راجو (آئی اے ایس) کی جانب سے جاری کیے گئے۔
