گیارہویں جماعت کے نتائج کا اعلان‘کامیابی کی شرح۸۹فیصد

سرینگر: جموںکشمیر بورڈ آف اسکول ایجوکیشن نے پیر کے روز ونٹر زون کشمیر کے لیے ہائر سیکنڈری پارٹ اوّل (کلاس۱۱ویں) سالانہ۲۰۲۵ریگولر امتحان کے نتائج کا اعلان کر دیا۔ یہ اعلان بورڈ کی جانب سے جاری کردہ سرکاری رزلٹ گزٹ کے مطابق کیا گیا۔
گزٹ کے مطابق، کشمیر صوبے بھر میں مجموعی طور پر۶۰ہزارطلبہ نے امتحان میں شرکت کے لیے اندراج کرایا تھا، جن میں سے۵۳ہزار۶۷۰ طلبہ کامیاب قرار پائے۔ اس طرح مجموعی کامیابی کی شرح۸۹ فیصد رہی۔
نتائج کے مطابق۱۲ہزار۸۵۹ طلبہ نے امتیازی (ڈسٹنکشن) نمبرز حاصل کیے، جبکہ۱۸ہزار۲۰۶؍امیدوار فرسٹ ڈویژن میں کامیاب ہوئے۔ اسی طرح۹۰۲طلبہ سیکنڈ ڈویژن اور۴۳۰تھرڈ ڈویژن میں کامیاب قرار پائے۔ امتحان میں۱۵۶طلبہ ناکام رہے۔
سرکاری اعداد و شمار کے مطابق۱۵؍ امیدوار غیر حاضر رہے، جبکہ دو امتحانات منسوخ کیے گئے۔ ایک امیدوار کے بارے میں بتایا گیا کہ اس نے اضافی مضامین میں کامیابی حاصل کی ہے۔
آرٹس، سائنس اور کامرس اسٹریمز میں مضمون وار کارکردگی مجموعی طور پر بہتر رہی، خاص طور پر ووکیشنل، سائنس اور زبانوں کے مضامین میں کامیابی کی شرح نمایاں طور پر زیادہ رہی۔ نتائج ’’غلطی و سقم کی صورت میں قابلِ اصلاح‘‘ کی شرط کے تحت جاری کیے گئے ہیں۔
طلبہ کو ہدایت دی گئی ہے کہ وہ اپنی تفصیلی مارک شیٹس اور مضمون وار کارکردگی کے ریکارڈ متعلقہ تعلیمی اداروں یا بورڈ کے سرکاری ذرائع سے حاصل کریں۔