بی جے پی صدر نتن نبین نے اجیت پوار کو خراج عقیدت پیش کیا

نئی دہلی، 28 جنوری (یو این آئی)
بھارتیہ جنتا پارٹی (بی جے پی) کے صدر نتن نبین نے مہاراشٹر کے نائب وزیرِ اعلیٰ اجیت پوار کے حادثاتی انتقال پر افسوس ظاہر کرتے ہوئے تعزیت پیش کی۔ انہوں نے پرارتھنا کی کہ آنجہانی پوار کے اہلِ خانہ کو اس دکھ کی گھڑی میں صبر اور حوصلہ ملے۔
نتن نبین نے اپنی پوسٹ میں کہا کہ بارامتی میں ایک ہوائی حادثے میں اجیت پوار کا اچانک انتقال انتہائی افسوسناک ہے۔ مسٹر اجیت پوار نے دہائیوں تک عوامی زندگی میں سرگرم رہتے ہوئے مہاراشٹر کی ترقی اور عوامی مفاد کو ہمیشہ ترجیح دی اور زمین سے جڑے رہنے کی مثال قائم کی۔ انہوں نے پرارتھنا کی کہ ان کی آتما کو شانتی ملے اور سوگوار اہلِ خانہ کو اس عظیم نقصان کو برداشت کرنے کی طاقت ملے۔ اس غم کی گھڑی میں این ڈی اے پوار خاندان کے ساتھ مضبوطی سے کھڑا ہے۔
نتن نبین نے ایک اور پوسٹ میں کہا کہ ہندستانی سیاست کے لیے آج کا دن انتہائی دکھ بھرا ہے۔ اجیت پوار کے انتقال سے ہم سب آج صدمے میں ہیں اور ان کے اہلِ خانہ و مہاراشٹر کی عوام کے لیے ہمدردی کا اظہار کرتے ہیں۔ انہوں نے کہا کہ اجیت پوار نے ہمیشہ مہاراشٹر کی ترقی میں اپنا کردار ادا کیا۔ آج ان کے انتقال سے نہ صرف سیاسی دنیا بلکہ مہاراشٹر کا ہر خاندان غمگین ہے۔