فلم ’دی لاسٹ ڈوز‘ کا پوسٹرسنہا نے لوک بھون میں جاری کیا 

جموں: لیفٹیننٹ گورنر ‘منوج سنہا نے ہفتہ کے روز لوک بھون میں منشیات کے استعمال کے خلاف بیداری پر مبنی فلم ’دی لاسٹ ڈوز‘ کا پوسٹر منظرِ عام پر لایا۔
یہ فلم خواش گپتا پروڈکشنز کے زیرِ اہتمام تیار کی گئی ہے۔لیفٹیننٹ گورنر نے فلم کی پوری ٹیم کو مبارکباد پیش کی اور ان کے لیے نیک خواہشات کا اظہار کیا۔
اس موقع پر خواش گپتا پروڈکشنز کی بانی محترمہ خواش گپتا، فلم کے پروڈیوسرز شری شیو دیپ گپتا اور محترمہ پریا گپتا کے علاوہ ٹیم کے دیگر اراکین بھی موجود تھے۔
اسی دوران پدم شری ڈاکٹر ایس پی ورما، صدر، گاندھی گلوبل فیملی، جموں و کشمیر نے آج لیفٹیننٹ گورنر شری منوج سنہا سے ملاقات کی۔
ریاسی سے قانون ساز اسمبلی کے رکن شری کلدیپ راج دوبے نے بھی آج لیفٹیننٹ گورنر شری منوج سنہا سے ملاقات کی۔ان کے ہمراہ ایڈووکیٹ پون دیو سنگھ، صدر ڈسٹرکٹ بار ایسوسی ایشن ریاسی اور بی جے پی رہنما چودھری محمد اکرم بھی موجود تھے۔
گائیڈنس اینڈ کاؤنسلنگ سیل فار یوتھ ڈیولپمنٹ، گُڑھا سلاتھیا کے ایک وفد نے بھی آج لیفٹیننٹ گورنر شری منوج سنہا سے ملاقات کی۔