نرملا سیتا رمن کی وزیر اعلیٰ کے اقتصادی اقدامات کی تعریف

نئی دہلی/۶ دسمبر
مرکزی وزیر خزانہ نرملا سیتارمن نے ہفتے کے روز جموں و کشمیر کے وزیر اعلیٰ عمر عبداللہ کی یونین ٹریٹری کی معیشت کی بحالی کے لیے ان کے ’مرکوز‘ انداز کو سراہا، جس پر عمر نے شکریہ ادا کرتے ہوئے ہلکے پھلکے انداز میں جواب دیا، ’پلیز شو می دی منی، میڈم‘۔
وزیر خزانہ نے یہ تعریف ہندستان ٹائمز لیڈرشپ سمٹ میں قومی معیشت کے سفر پر بات کرتے ہوئے کی، اور خاص طور پر جموں و کشمیر میں کیے گئے اقدامات کا ذکر کیا۔
سیتارمن نے یاد دلایا کہ مرکز کی حکمرانی کے دوران یو ٹی کی معیشت بحالی کی طرف بڑھ رہی تھی، جیسا کہ ’جے کے بینک کی بحالی‘ کی مثال دیتی ہے، اور یہ کہ مرکز نے مقامی معیشت کو مضبوط کرنے کیلئے’باریک ترین تفصیلات‘ تک میں کام کیا۔
تاہم، انہوں نے کہا کہ جب اہم سیاحتی شعبہ ’یکسر رک گیا‘ تو اس بحالی کو’بڑا جھٹکا‘ لگا… یہ ایک نرم اشارہ تھا سرحدی تناؤ اور حملوں کی طرف، جن میں ۲۲؍ اپریل کو پہلگام کا واقعہ بھی شامل ہے۔
سیتارمن نے کہا’’مجھے جے کے کے وزیر اعلیٰ کی تعریف کرنی چاہیے، جو مجھ سے دو بار ملے، اور سیاحت کے رک جانے کے بعد معیشت کی بحالی پر مرکوز رہے‘‘۔
اسی سمٹ میں خطاب کرتے ہوئے عمر عبداللہ نے وزیر خزانہ کے ’مہربان‘ الفاظ پر شکریہ ادا کیا اور مسکراتے ہوئے کہاـ’’اب اگلا قدم میڈم، پلیز شو می دی منی، کیونکہ اس کی سخت کمی ہے‘‘۔
وزیر اعلیٰ نے اعتراف کیا کہ وہ اپنی اس بات کے بعد اپنے کچھ حمایتیوں کے لیے مشکل کھڑی کر سکتے ہیں کہ مرکز ان کی حکومت کے لیے بہت مددگار رہا ہے، مگر وہ اپنی تمام پالیسیوں کی ذمہ داری لینے کے لیے تیار ہیں۔
وزیر اعلیٰ نے کہا’’اچھا، بْرا، بدصورت… میں نے کبھی اپنی ذمہ داری سے منہ نہیں موڑا۔ اس لیے اگر میں نے اپنی حکومت یا اپنی سیاست کو اس طرف موڑا ہے کہ حکومتِ ہند کے ساتھ اچھا ورکنگ ریلیشن قائم ہو، تو میں اس کا مالک ہوں۔ اور اس کے نتائج کا بھی مالک ہوں گا‘‘۔
عمرعبداللہ نے واضح کیا کہ مرکز کے ساتھ اچھا ورکنگ ریلیشن رکھنے کا مطلب یہ نہیں کہ ان کی پارٹی کا بی جے پی سے کوئی اتحاد ہے۔
وزیر اعلیٰ نے کہا’’میرا بی جے پی سے نظریاتی اتفاق نہیں۔ میں بی جے پی کی سیاست کی مخالفت جاری رکھوں گا۔ لیکن ساتھ ہی، میں حکومتِ ہند کے ساتھ بہترین ممکنہ طریقے سے کام کرنے کی کوشش بھی کروں گا‘‘۔
جموں و کشمیر کے لیفٹیننٹ گورنر منوج سنہا کے ساتھ اپنے تعلقات پر انہوں نے مختصراً کہا کہ ’’ایک جاری عمل ہے، اور ہم اسے اسی پر چھوڑ دیتے ہیں۔‘‘
اس سے پہلے وفاقی وزیر خزانہ کاکہنا تھا’’ مرکز نے دراصل جموں و کشمیر کی معیشت کو دیکھنے زیر نمو کو دور کرنے اور اسے واقعی اوپر لے جانے کی باریک تفصیلات پر غور کیا تھا تاکہ یہ خوش کن ہو جائے‘‘۔
انہوں نے کہا’’جے کے بینک کی بحالی ایک ایسا کام ہے جس پر ملک فخر کر سکتا ہے، اور جس طرح جموں و کشمیر کی معیشت نے دوبارہ جان پکڑی…‘‘انہوں نے مزید کہا کہ مقامی معیشت کی یہ بحالی اس وقت’بڑے جھٹکے‘ سے دوچار ہوئی جب بیرونی عوامل کے باعث اہم سیاحتی صنعت یکسر رک گئی۔
سیتارمن نے کہا’’مجھے جے کے کے وزیر اعلیٰ کی تعریف کرنی چاہیے، جو مجھ سے دو مرتبہ ملے اور سیاحت کے رک جانے کے بعد معیشت کی بحالی پر مرکوز رہے‘‘۔یہ ایک نرم اشارہ تھا ۲۲؍ اپریل کو پہلگام میں ہونے والے اس حملے کی طرف، جس میں پاکستانی دہشت گردوں نے۲۶؍افراد…زیادہ تر سیاح‘کو قتل کر دیا تھا۔
وزیر خزانہ ایک سوال کا جواب دے رہی تھیں جو عالمی سطح پر غیر مستحکم حالات کے درمیان بھارتی معیشت کی لچک سے متعلق تھا۔