’یگانگت مسلح افواج کی طاقت ہے‘آپریشن سندوراس کی بہترین مثال‘

سرینگر/۲۴ نومبر
آرمی چیف جنرل اْپندر دویدی نے پیر کے روز کہا کہ مسلح افواج کی طاقت سینرجی (یگانگت) میں ہے، اور ’آپریشن سندور‘ اس کی ایک بہترین مثال ہے۔
وہ ممبئی میں آئی این ایس ماہے ‘ ماہے کلاس اینٹی سب میرین وارفیئر شیلْو واٹر کرافٹ کے پہلے جہاز ‘ کی کمیشننگ کے موقع پر خطاب کر رہے تھے۔
جنرل دویدی نے کہا’’ہماری مسلح افواج کی طاقت سینرجی میں ہے‘‘۔
فوج کے سربراہ نے کہا کہ سمندر، زمین اور فضا قومی سلامتی کا ایک متحد سلسلہ تشکیل دیتے ہیں، اور فوج، بحریہ اور فضائیہ مل کر بھارت کی اسٹریٹجک طاقت کی تثلیث بناتے ہیں۔
جنرل دویدی نے کہا کہ کثیر الجہتی آپریشنز کے اس دور میں، یہ بات کہ ملک سمندر کی گہرائیوں سے لے کر بلند ترین سرحد تک‘کس طرح یکجا ہو کر کارروائی کر سکتا ہے‘ بھارتی جمہوریہ کے سلامتی اثرورسوخ کا تعین کرے گی۔
آرمی چیف نے مزید کہا کہ بھارتی مسلح افواج ہر ڈومین میں سرگرمِ عمل ہیں‘ لداخ سے لے کر بحرِ ہند تک، انفارمیشن وارفیئر سے لے کر مشترکہ لاجسٹکس تک۔
فوجی سربراہ نے کہا’’آپریشن سندور‘ اس (مسلح افواج کی سینرجی) کی ایک بہترین مثال تھا‘‘۔
اپریل میں پہلگام حملے کے بعد، جس میں ۲۶ افراد ہلاک ہوئے، بھارت نے ’آپریشن سندور‘ کے تحت پاکستان میں موجود دہشت گردی کے ڈھانچے کو نشانہ بناتے ہوئے فوجی کارروائی انجام دی تھی۔
جنرل دویدی نے کہا کہ بھارتی فوج نے ایک جامع تبدیلی کے تحت کئی اقدامات شروع کیے ہیں جن میں مشترکہ کام اور انضمام اہم ستون ہیں، کیونکہ جدید جنگیں کثیرالجہتی، ہائبرڈ ہوں گی اور متحد قومی طاقت کی ضرورت ہوگی۔
ایک اہلکار نے کہا کہ یہ پہلا موقع ہے کہ کسی بحری جہاز کی کمیشننگ میں آرمی چیف موجود تھے۔
آئی این ایس ماہے کی کمیشننگ کے بعد، جنرل دویڈی نے آرمی چیف کے تعریفی اسنادان بحریہ کے اہلکاروں کو بھی دیں جنہوں نے جہاز کی کمیشننگ میں کلیدی کردار ادا کیا۔اہلکار نے مزید کہا کہ یہ ایک نایاب روایت ہے، لیکن آنے والے دنوں میں تینوں افواج کے درمیان بڑھتی سینرجی کے ساتھ یہ زیادہ عام ہوتی جائے گی۔
جنرل دویدی نے کہا کہ بھارتی بحریہ پڑوسی ممالک اور عالمی ماحول‘ خاص طور پر دور دراز علاقوں ‘ میں اہم کردار ادا کرتی ہے، جہاں فوج کی کوششیں نرم و سخت دونوں قسم کی سفارت کاری میں معاون اور تکمیلی کردار ادا کر سکتی ہیں، اور انہوں نے اسے ‘‘سمارٹ ڈپلومیسی’’ قرار دیا۔
فوج کے سربراہ نے کہا کہ بھارتی فوج اور بھارتی بحریہ عالمی سطح پر انسانی امداد و آفاتِ سماوی (ایچ اے ڈی آر ) کے مشنوں میں یا ایمفی بیئس آپریشنز کے دوران ہمیشہ شانہ بشانہ کھڑی رہی ہیں۔
(ندائے مشرق ویب ڈیسک)