منریگا۱۵۰دن کرنے کی منظوری‘وزیرا علیٰ کا مرکز کا شکریہ

سرینگر/۲۲نومبر
وزیر اعلیٰ‘ عمر عبداللہ نے مرکزی وزیر برائے دیہی ترقی شیو راج سنگھ چوہان کا شکریہ ادا کیا کہ انہوں نے جموں و کشمیر کیلئے ایم جی نریگا کے تحت کام کی حد بڑھا دی ، ان کا کہنا تھا کہ یہ بہتر حمایت کمزور کمیونٹیز کو معاشی پریشانی پر قابو پانے میں اہم کردار ادا کرے گی ۔
وزیر اعلیٰ نے دیہی ترقی کے وزیر جاوید ڈار اور ان کی ٹیم کو مبارکباد پیش کی ہے کہ انہوں نے مرکزی وزارت دیہی ترقی کو قائل کرکے جموں و کشمیر کے قدرتی آفات سے متاثرہ دیہی علاقوں کے لیے منریگا کے تحت اضافی ۵۰دن کے روز گار کی منظوری حاصل کی۔
وزیر اعلیٰ نے کہا’’یہ اہم فیصلہ حالیہ سیلاب/ لینڈ سلائیڈنگ سے متاثر ہونے والے ہزاروں گھرانوں کیلئے مدد گار ثابت ہو گا اور اس سے روزی روٹی کے بہتر مواقع اور ریلیف کو یقینی بن جائے گا‘‘۔
واضح رہے کہ مرکزی مرکز نے جموں و کشمیر کے لیے مہاتما گاندھی قومی دیہی روزگار گارنٹی ایکٹ (منریگا) کے تحت ایک شخص کو فراہم کیے جانے والے کام کے دنوں کی تعداد بڑھا کر۱۵۰دن کرنے کی منظوری دے دی ہے ۔
عمر عبداللہ نے اس پر دیہی ترقی کے وزیر جاوید ڈار کو مبارکباد پیش کی ہے ۔
وزیر اعلیٰ کے ’ایکس‘ہینڈل پر ایک پوسٹ میں کہا گیا’’وزیر اعلیٰ عمر عبداللہ نے دیہی ترقی کے وزیر جاوید ڈار اور ان کی ٹیم کو کامیابی کے ساتھ مرکزی وزارت دیہی ترقی سے منریگا کے تحت جموں و کشمیر کے قدرتی آفات سے متاثرہ دیہی علاقوں کیلئے اضافی۵۰دن کے روز گار کی منظوری حاصل کرنے پر مبارکباد دی ہے‘‘۔
انہوں نے کہا کہ یہ اہم فیصلہ حالیہ سیلاب/ لینڈ سلائیڈنگ سے متاثر ہونے والے ہزاروں گھرانوں کے لئے مدد گار ثابت ہو گا اور اس سے روزی روٹی کے بہتر مواقع اور ریلیف کو یقینی بن جائے گا۔ڈی آئی پی آر