پوروانچل کے لوگوں کے لیے چھٹھ تہوار ثقافتی ورثے کی علامت : سرسا

نئی دہلی، 22 اکتوبر (یو این آئی) دہلی کے ماحولیات کے وزیر منجندر سنگھ سرسا نے کہا ہے کہ یہاں رہنے والے لاکھوں پوروانچلی بھائی بہنوں کے لیے چھٹھ پوجا محض ایک مذہبی رسم نہیں بلکہ اپنی مٹی سے جڑے رہنے اور ثقافتی ورثے کی علامت ہے ۔
مسٹر سرسا نے آج آئی ٹی او کے قریب ہاتھی گھاٹ کا دورہ کر کے صفائی اور انتظامات کا جائزہ لینے کے بعد کہا ”دہلی میں رہنے والے ہمارے لاکھوں پوروانچلی بھائی بہنوں کے لیے چھٹھ پوجا محض ایک رسم نہیں، بلکہ یہ سناتن روایت، ہندو مذہب کی عقیدت، اپنی زمین سے وابستگی اور ثقافتی ورثے کی علامت ہے ۔”
انہوں نے مزید کہا ”پچھلی حکومتوں کے دور میں ہم نے دیکھا کہ ہمارے پوروانچلی خاندانوں کو کبھی یمنا کی گندگی میں پوجا کرنے پر مجبور ہونا پڑا، تو کبھی گھاٹوں کی صفائی اور مذہبی انتظامات کو مکمل طور پر نظراندازی کیا گیا۔ لیکن اس بار چھٹھی مئیّا کے آشیرواد سے اقتدار بدلنے کے ساتھ دہلی کے حالات بھی بدلے ۔”
مسٹر سرسا نے کہا ”وزیراعلیٰ ریکھا گپتا کی قیادت میں دہلی حکومت اس بات کے لیے پرعزم ہے کہ ہمارے تمام پوروانچلی بھائی بہنوں کو چھٹھ پوجا کے دوران بہترین سہولیات فراہم کی جائیں۔ ہم اپنے پوروانچلی خاندانوں کی عقیدت اور سناتن روایت کا احترام کرتے ہیں اور ہر ممکن تعاون کے لیے تیار ہیں۔ میں پرارتھنا کرتا ہوں کہ چھٹھی مئیّا ہم سب دہلی واسیوں پر اپنی کرپا برقرار رکھیں۔”