پلامو ضلع میں الگ الگ حادثات میں ایک بچے سمیت دو افراد کی موت

پالامو، 17 اکتوبر (یو این آئی) جھارکھنڈ کے پالامو ضلع کے پنکی اور حسین آباد میں گزشتہ 24 گھنٹوں کے دوران دو الگ الگ حادثات میں ایک معصوم بچے سمیت دو افراد کی موت ہو گئی۔
پنکی میں ہونے والے حادثے کے بعد جمعہ کی صبح سے ہی سڑک بلاک کر دی گئی۔ واقعہ کی اطلاع ملتے ہی پنکی کے بی جے پی ایم ایل اے ، پنکی کے سرکل آفیسر ششی بھوشن مہتا اور اسٹیشن ہاؤس آفیسر جائے وقوعہ پر پہنچے اور ناراض کنبہ کے ممبران اور گاؤں والوں کو سمجھ کر ناکہ بندی کو حل کیا۔ ناکہ بندی تقریباً دو گھنٹے تک جاری رہی۔
حسین آباد تھانہ علاقے میں واقع دولہر گاؤں میں جمعہ کی صبح ایک المناک سڑک حادثے میں ایک چار سالہ بچے کی موت ہو گئی۔
پولیس ذرائع کے مطابق دولہر گاؤں کے رہنے وٓالا میانند رام صبح 8 بجے اسکول بس کی زد میں آکر شدید زخمی ہوگیا۔ اہل خانہ نے اسے فوری طور پر حسین آباد سب ڈویژنل ہسپتال پہنچایا جہاں ڈاکٹروں نے اسے مردہ قرار دے دیا۔
پنکی کے کونوائی بس اسٹینڈ پر ٹریکٹر اور موٹر سائیکل میں تصادم ہوا۔ حادثے میں ابھیجیت کمار (20 سال) شدید زخمی ہو گیا۔ اسے فوری طور پر ڈالتون گنج سے رانچی لے جایا گیا، لیکن دیر رات علاج کے دوران اس کی موت ہوگئی۔