وادی میں اگلے ایک ہفتے کے دوران موسم خشک رہنے کا امکان

سرینگر /۱۵؍اکتوبر
محکمہ موسمیات کے مطابق وادی کشمیر میں اگلے ایک ہفتے کے دوران موسم عام طور پر خشک رہنے کا امکان ہے۔
محکمے نے کسانوں کو اپنے کھیت کھلیانوں اور باغوں میں تمام زرعی سرگرمیاں جاری رکھنے کا مشورہ دیا ہے۔
متعلقہ محکمے کے ایک ترجمان نے بتایا کہ وادی میں۱۵ سے۱۷؍ اکتوبر تک موسم عام طور پر خشک رہنے کا امکان ہے۔انہوں نے کہا کہ ۱۸سے ۱۹تک موسم عام طور پر خشک مگر دوپہر یا شام کے بعد ابر آلود رہ سکتا ہے۔ان کا کہنا ہے کہ ۲۰سے۲۳تک موسم جزوی ابر آلود مگر خشک رہنے کا امکان ہے۔
محکمے نے کسانوں کو اپنے کھیت کھلیانوں اور باغوں میں تمام زرعی سرگرمیاں جاری رکھنے کا مشورہ دیا ہے۔
ترجمان نے بتایا کہ کشمیر کے بیشتر علاقوں میں شبانہ درجہ حرارت معمول سے۲ء۰ڈگری سینٹی گریڈ زیادہ ریکارڈ ہوا ہے۔وادی میں سیاحتی مقام پہلگام سب سے سرد علاقہ رہا ہے جہاں کم سے کم درجہ حرارت۰ء۴ڈگری سینٹی گریڈ ریکارڈ ہوا ہے۔
دریں اثنا وادی میں بدھ کو موسم صبح سے ہی خشک رہا اور دھوپ بھی کھلی رہی۔یو این آئی