مائیکرو آبپاشی تکنیک نے پہاڑ کی خواتین کسانوں کو خود انحصار بنایا

دہرادون، 14 اکتوبر (یو این آئی) اُتراکھنڈ میں گاؤوں کی ترقی سے متعلق منصوبے کے تحت مائیکرو آبپاشی تکنیک کے ذریعے ریاست کے پہاڑی ضلع رودر پریاگ کی ایک خاتون کسان نے خود انحصاری کی ایک نئی مثال قائم کی ہے ۔
اُدان سی ایل ایف منسونا کی شیئر ہولڈر اور رکن بچھنا دیوی کو 2023 میں گرام اُتھان پروجیکٹ کے اصولوں اور معیار کے مطابق ان کے ذاتی کاروبار کے لیے مائیکرو آبپاشی سرگرمی کے طور پر منتخب کیا گیا۔ اس منصوبے کی کل لاگت 50,500 روپے رہی، جس میں 25,250 روپے بینک قرضہ، 10,250 روپے ان کا ذاتی حصہ اور 15,000 روپے ‘رورل انٹرپرائز ایکسیلریشن پروجیکٹ (آر ای پی)’ کے تحت امداد کے طور پر فراہم کیے گئے ۔
بچنا دیوی نے اس منصوبے کے تحت سبزیوں کی کاشت شروع کی اور اس وقت وہ منسونا اور اُکھی مٹھ کے مقامی بازاروں میں اپنی سبزیاں فروخت کر رہی ہیں۔ اس سرگرمی سے انہیں سالانہ 70,000 سے 80,000 روپے اور ماہانہ 6,000 سے 7,000 روپے تک آمدنی ہو رہی ہے ۔
رودر پریاگ کے چیف ڈویلپمنٹ آفیسر راجندر سنگھ راوت نے بتایا کہ بچھنا دیوی کی کامیابی سے متاثر ہو کر علاقے کی دیگر خواتین بھی مائیکرو آبپاشی تکنیک اپنانے کے لیے آگے آ رہی ہیں۔