میگھالیہ کے وزیرِ اعلیٰ جمعرات سے منی پور کے دو روزہ دورے پر

شیلانگ، 09 اکتوبر (یو این آئی) میگھالیہ کے وزیرِ اعلیٰ اور نیشنل پیپلز پارٹی (این پی پی) کے قومی صدر کانراڈ کے . سنگما جمعرات سے منی پور کے دو روزہ دورے پر ہیں۔
مسٹر سنگما کا منی پور کا یہ دورہ ایسے موقع پر ہو رہا ہے جب منی پور سے بی جے پی قیادت والے این ڈی اے کے ایم ایل ایز ریاست میں ایک مقبول حکومت کی بحالی کے لیے دباؤ ڈالنے کے لئے 5 اکتوبر سے نئی دہلی میں ہیں ۔
قابل ذکر ہے کہ منی پور میں 13 فروری 2025 سے میتئی-کوکی تنازع کے درمیان صدر راج نافذ ہے ۔
مسٹر سنگما اپنے دو روزہ دورے کے دوران پارٹی کے رہنماؤں، کمیونٹی رہنماؤں اور سول سوسائٹی گروپوں سے ملاقاتیں کریں گے ۔ وہ ریاست میں شمولیتی اور عوامی حکومت کی بحالی اور میتئی اور کوکی کمیونٹیوں کے درمیان بات چیت کے ذریعے معمول کی صورتحال بحال کرنے کے طریقوں پر تبادلہ خیال کریں گے ۔ علاوہ ازیں، وہ ریاست کے موجودہ سیاسی حالات پر گفتگو کے لیے گورنر اے کے بھالا سے بھی ملاقات کریں گے ۔