کٹھوعہ میں منشیات فروش گرفتار ہیروئن جیسا مواد بر آمد:پولیس

جموں/۲۹ستمبر
منشیات کے خلاف کریک ڈائون میں ایک اہم کامیابی حاصل کرتے ہوئے پولیس نے ضلع کھٹوعہ میں ایک بدنام زمانہ منشیات فروش کو گرفتار کرکے اس کی تحویل سے ہیروئن جیسا ممنوعہ مواد بر آمد کیا ہے ۔
ایک پولیس ترجمان نے اپنے ایک بیان میں کہا کہ پولیس پوسٹ گٹھی کی ایک ٹیم نے ایک خصوصی اطلاع پر کارروائی کرتے ہوئے جسروٹہ – گٹھی روڈ پر پاور اسٹیشن گٹھی کے نزدیک ایک ناکہ لگا دیا اور اس دوران ایک مشتبہ شخص کو روکا گیا۔
ترجمان نے کہا کہ تلاشی کے دوران اس کی تحویل سے۲۰ء۵گرام ہیروئن جیسا ممنوعہ مواد، ایک موبائل فون اور کچھ نقدی رقم بر آمد کی گئی جس کے بعد اس کو موقع پر ہی گرفتار کیا گیا۔
ملزم کی شناخت نون ولد فیروز الدین ساکن سنجوان رجباغ کے طور پر کی گئی ہے ۔
پولیس ترجمان نے بتایا کہ اس ضمن میں پولیس اسٹیشن کٹھوعہ میں این ڈی پی ایس ایکٹ کے تحت زیر ایف آئی آر نمبر۲۰۲۵/۴۷۰ایک مقدمہ درج کیا گیا۔
ترجمان نے کہا کہ اس ضمن میں مزید تحقیقات جاری ہے ۔ ان کا کہنا ہے کہ پولیس منشیات کے خاتمے کو یقینی بنانے کیلئے پر عزم ہے اور لوگوں سے بھر پور تعاون کرنے کی اپیل ہے ۔یو این آئی