سرینگر/۶۲ستمبر
جموںکشمیر پولیس نے شوپیاں اور کولگام میں دو منشیات فروشوں کو گرفتار کرکے انہیں سلاخوں کے پیچھے دھکیل دیا۔
پولیس کے ایک ترجمان نے بتایا کہ کولگام پولیس نے نیو بائی پاس کراسنگ پر ایک مشکوک گاڑی کو روک کر اس کی تلاشی لی جس دوران گاڑی سے چار بیگوں میں چھپائی گئی ۵۵کلو گرام ممنوعہ نشیلی اشیا · برآمد ہوئی۔
پولیس نے موقع پر ہی گاڑی کے ڈرائیور مظفر احمد بٹ ولد غلام نبی بٹ ساکن ڈونی پاوا بجبہاڑہ کی گرفتاری عمل میں لائی۔
دریں اثنا، شوپیان پولیس نے دارباغ وچھی کے چیک پوسٹ پر ایک مشکوک شخص امتیاز احمد ڈار ولد علی محمد ڈار کو روک کر تلاشی لی۔ اس کے قبضے سے۴ئ۲ کلوگرام چرس اسٹک برآمد ہوئی۔ اس کے خلاف ایف آئی آرزیر نمبر ۵۲۰۲/۵۷کے تحت پولیس اسٹیشن زینہ پورہ کیس درج کرکے مزید تحقیقات شروع کی گئی ہے ۔
پولیس نے ایک دفعہ پھر عوام الناس سے اپیل کی ہے کہ وہ منشیات کا کاروبار کرنے والوں کے بارے میں قانون نافذ کرنے والے ادارے کو مطلع کریں۔ پولیس کا کہنا ہے کہ منشیات فروشی سماج کے لئے ناسور بن چکی ہے لہذا اس کا قلع قمع کرنے کی خاطر ہر ایک کو اپنا دست تعاون فراہم کرنا چاہئے ۔
ادھرجموںکشمیر پولیس نے ضلع اودھم پور میں ایک اور بدنام زمانہ منشیات فروش کو گرفتار کرکے اس کی تحویل سے ہیروئن جیسا ممنوعہ مواد بر آمد کیا ہے ۔
ایک پولیس ترجمان نے اپنے ایک بیان میں کہا کہ پولیس اسٹیشن ریہام بل کی ایک ٹیم نے گشت اور چیکنگ ڈیوٹی کے دوران ایک مشکوک شخص کو دھر لیا جس نے پولیس کو دیکھ کر موقع سے فرار ہونے کی کوشش کی۔
ترجمان نے کہا کہ تلاشی کے دوران اس کی تحویل سے۳۵ئ۳گرام ہیروئن بر آمد کیا گیا جس کے بعد اس کو بر سر موقع ہی گرفتار کیا گیا۔
ملزم کی شناخت جیون کمار ولد تولیندر کمار ساکن وارڈ نمبر۷، اودھم پور کے طور پر ہوئی ہے ۔
پولیس ترجمان نے کہا کہ اس سلسلے میں پولیس اسٹیشن ریہام بل میں این ڈی پی ایس ایکٹ کے تحت زیر ایف آئی آر نمبر۵۲۰۲/۷۴۱ایک مقدمہ درج کیا گیا اور مزید تحقیقات شروع کی گئیں۔
ترجمان نے کہا کہ پولیس منشیات کی بیخ کنی کےلئے پر عزم ہے ۔
یو این آئی
