ملک میں گزشتہ 24 گھنٹوں میں کورونا کے 18 ہزار سے زائد معاملے

نئی دہلی// ہندوستان میں گزشتہ 24 گھنٹوں میںایکٹو کیسز کی تعداد 104555 ہے گزشتہ 24 گھنٹوں کے دوران مزید 39 مریض کورونا انفیکشن کی وجہ سے جان کی بازی ہار گئے اور اس کے ساتھ ہی اس بیماری سے مرنے والوں کی تعداد 525116 تک پہنچ گئی اسی عرصے میں مجموعی طور پر 13827 مریض کورونا کو شکست دے کر مکمل طور پر صحت یاب ہو چکے ہیں جن میں گزشتہ 24 گھنٹوں میں 18,819 کا اضافہ ہوا ہے ۔ اسی دوران صحت یاب ہونے والوں کی تعداد 42822493 تک پہنچ گئی ہے۔
نئے اعدادوشمار کے ساتھ ملک میں ایکٹو کیسز کی شرح 0.24 فیصد، صحت یاب ہونے کی شرح 98.55 فیصد اور اموات کی شرح 1.21 فیصد ہے۔
جمعرات کو صحت اور خاندانی بہبود کی مرکزی وزارت کے جاری کردہ اعداد و شمار کے مطابق، گزشتہ 24 گھنٹوں میں 452430 کورونا ٹیسٹ کیے گئے، جس سے ٹیسٹوں کی کل تعداد 86.23 کروڑ ہو گئی ہے۔ ملک بھر میں قومی کووڈ ویکسینیشن مہم کے تحت 197.61 کروڑ سے زیادہ کووڈ ویکسین لگائی گئی ہیں، جن میں سے 1417217 ویکسین آج صبح 8 بجے تک دی گئی ہیں۔
کیرالہ میں کورونا وائرس کے 774 ایکٹیو کیسز بڑھ کر 28860 ہو گئے ہیں۔ اس سے راحت پانے والوں کی تعداد 3668 بڑھ کر 6535869 ہو گئی ہے، اس دوران 17 مریضوں کی موت سے مرنے والوں کی تعداد 69993 ہو گئی ہے۔
مہاراشٹر میں ایکٹو کیسز کی تعداد 254 بڑھ کر 25735 ہو گئی ہے اور 3696 مزید لوگوں کے ٹھیک ہونے کے بعد اس سے چھٹکارا پانے والوں کی تعداد 7798817 ہو گئی ہے۔ مرنے والوں کی تعداد 147922 ہے۔
کرناٹک میں ایکٹو کیسز کی تعداد 789 تک بڑھ کر 5707 ہو گئی ہے اور مزید 54 لوگوں کے ٹھیک ہونے کے بعد اس سے نجات پانے والوں کی تعداد 3922541 تک پہنچ گئی ہے۔ مرنے والوں کی تعداد 40117 ہے۔
دہلی میں کورونا کیسز 157 کم ہو کر 4325 پر آ گئے ہیں۔ ریاست میں مزید 1265 لوگوں نے اس مہلک وائرس کو شکست دی، جس کے بعد کورونا سے آزاد ہونے والوں کی کل تعداد 1903423 ہوگئی۔ اس وبا سے اب تک 26261 افراد ہلاک ہو چکے ہیں۔