ڈوڈہ کے مضافاتی علاقوں میں تلاشی آپریشن جاری

جموں/۱۳ستمبر
جموں کشمیر کے ضلع ڈوڈہ میں سکیورٹی فورسز نے مشتبہ دہشت گردوں کی نقل و حرکت کی اطلاع ملنے کے بعد بڑے پیمانے پر تلاشی کارروائی شروع کی ہے ۔
معلوم ہوا ہے کہ سیکورٹی فورسز نے ممکنہ فرار ہونے کے راستوں کو سیل کرکے لوگوں کے چلنے پھرنے پر پابندی عائد کی ہے ۔
اطلاعات کے مطابق جمعے کی شام دیر گئے مصدقہ اطلاع موصول ہونے کے بعد سیکورٹی فورسز نے ڈوڈہ کے مضافاتی علاقے بھلارا ٹھاٹھری اور ملحقہ جنگلات کو محاصرے میں لے کر تلاشی آپریشن شروع کیا۔
معلوم ہوا ہے کہ ہفتے کے روز بھی جنگلی علاقے میں تلاشی آپریشن جاری رہا تاہم اس دوران کسی کی گرفتاری عمل میں لانے کے بارے میں کوئی اطلاع موصول نہیں ہوئی ہے ۔