جموںکشمیر میں۱۳سے۱۷ستمبر تک موسم عام طور پر ٹھیک رہنے کا امکان

سرینگر/۱۳ستمبر
محکمہ موسمیات کی پیش گوئی کے مطابق جموں و کشمیر میں اگلے۴دنوں کے دوران موسم عام طور پر ٹھیک رہنے کا امکان ہے تاہم اس دوران کہیں کہیں ہلکی بارشیں متوقع ہیں۔
محکمے نے اپنی ایڈوائزری میں کسانوں سے کہا ہے کہ وہ اپنے کھیت کھلیانوں میں دھان فصل کی کٹائی اور دوسرے کام جاری رکھ سکتے ہیں۔
موسمیات محکمے کے ایک ترجمان نے بتایا کہ جموںکشمیر میں۱۳سے۱۷ستمبر تک موسم عام طور پرٹھیک رہنے کا امکان ہے تاہم اس دوران کہیں کہیں ہلکی بارشوں کا امکان ہے جبکہ جموں صوبے میں کچھ مقامات پر صبح یا شام کے وقت درمیانی درجے کی مختصر مرحلے کی بارشوں کا امکان ہے ۔
ترجمان نے کہا کہ۱۸؍اور۱۹ستمبر کو کہیں کہیں گرج چمک کے ساتھ ہلکی بارشوں کا امکان ہے جبکہ ۱۸ستمبر کی شام اور ۱۹ستمبر کی صبح کو درمیانی درجے کی بارشیں ہوسکتی ہیں۔
ان کا کہنا ہے کہ بعد ازاں جموں و کشمیر میں۲۰ سے ۲۲ستمبر تک موسم مجموعی طور پر خشک رہنے کا امکان ہے ۔
محکمے نے اپنی ایڈوائزری میں کہا کہ کچھ کمزور مقامات پر لینڈ سلائیڈنگ یا چٹانیں کھسکنے کے بھی خطرات ہیں۔انہوں کسانوں سے کہا کہ وہ اپنے کھیت کھلیانوں میں دھان فصل کی کٹائی اور دوسرے کام جاری رکھ سکتے ہیں۔ یو این آئی