کھنور آیورویدک میڈیکل کالج کیلئے۳۵ پی جی نشستوں کی منظوری

لیفٹیننٹ گورنر منوج سنہا نے وزیر اعظم نریندر مودی اور مرکزی وزیر مملکت (آئی/سی) وزارت آیوش پرتاپ راؤ جادھو کا شکریہ ادا کیا ہے کہ انہوں نے سرکاری آیورویدک میڈیکل کالج، اکھنور کیلئے۳۵آیورویدا پی جی نشستوں کی منظوری دی۔
ایل جی نے ایک پوسٹ میں لکھا’’وزیر اعظم نریندر مودی جی اور مرکزی وزیر مملکت (آئی/سی) وزارت آیوش پرتاپ راؤ جادھو جی کا تہہ دل سے شکریہ ادا کرتا ہوں کہ انہوں نے سرکاری آیورویدک میڈیکل کالج، اکھنور کیلئے۳۵ آیورویدا پی جی نشستوں کی منظوری دی۔ یہ جموں و کشمیر کیلئے پہلی بار ہے اور یو ٹی میں آیوروید پریکٹس کے خواہشمندوں کیلئے ایک عظیم تحفہ ہے‘‘۔
سنہا نے کہا کہ آیوروید، روایتی نظامِ طب، عالمی مقبولیت حاصل کر چکا ہے اور دنیا بھر کے لوگ صحت کی ضروریات، جسم، ذہن اور روح کی بھلائی اور مختلف بیماریوں کے علاج کے لئے آیوروید تکنیک اپنا رہے ہیں۔
ایل جی نے مزید کہا کہ جی اے ایم سی اکھنور میں۳۵ نشستوں پر مشتمل ۷نئے پی جی ڈگری پروگرامز جموں و کشمیر کے ہیلتھ ڈھانچے کو مزید مضبوط کریں گے اور روایتی نظامِ طب کو فروغ دیں گے۔ آیوروید پریکٹسز میں انسانی وسائل، تحقیق اور تعاون احتیاطی اور جامع نگہداشت کو فروغ دینے میں مدد کریں گے۔
اس دوران لیفٹیننٹ گورنر نے ’نیکسٹ جنریشن جی ایس ٹی رِیفارمز‘ پر وزیر اعظم نریندر مودی اور وزیر خزانہ نرملا سیتارمن کا شکریہ اَدا کیا۔
لیفٹیننٹ گورنر نے سوشل میڈیا پلیٹ فارم ’ایکس‘ پر ایک پوسٹ میں کہا،’’میں وزیر اعظم نریندر مودی جی اور وزیر خزانہ نرملا سیتارمن جی کا ’نیکسٹ جنریشن جی ایس ٹی رِیفارمز‘کے لئے تہہ دِل سے شکریہ اَداکرتا ہوں۔ یہ اصلاحات ایم ایس ایم ایز اور کسانوں کو بااختیار بنائیں گی، صنعت کو فروغ دیں گی، عوامی زِندگی اور کاروبار کرنے میں آسانی پیدا کریں گی اور ہماری تیزی سے ترقی کرتی ہوئی معیشت کو مزید مستحکم کریں گی