انگلینڈ ٹی-20 ورلڈ کپ سے پہلے سری لنکا کے خلاف محدود اوورز کی سیریز کھیلے گا

لندن، 20 اگست (یو این آئی) انگلینڈ کی مردوں کی کرکٹ ٹیم 2026 کے آغاز میں ٹی-20 ورلڈ کپ سے پہلے محدود اوورز کی سیریز کے لیے سری لنکا کا دورہ کرے گی۔
انگلینڈ اینڈ ویلز کرکٹ بورڈ (ای سی بی) نے اعلان کیا ہے کہ اس دورے میں تین ون ڈے اور تین ٹی-20 بین الاقوامی میچ شامل ہوں گے۔
سری لنکا کے دورے پر انگلینڈ 22، 24 اور 27 جنوری کو تین ون ڈے میچ کھیلے گا۔ اس کے بعد 30 جنوری، یکم فروری اور 3 فروری کو ٹی-20 میچ ہوں گے۔ میچوں کے مقامات کا اعلان ابھی باقی ہے۔
یہ ٹی-20 بین الاقوامی سیریز ہندوستان اور سری لنکا کی میزبانی میں ہونے والے ورلڈ کپ کی تیاری کا حصہ ہوگی۔
قابل ذکر ہے کہ 2010 اور 2022 میں چیمپئن رہنے والی انگلینڈ کی ٹیم پچھلے ورلڈ کپ (ویسٹ انڈیز اور امریکہ) کے سیمی فائنل میں شکست کھا گئی تھی۔