جسپریت بمراہ کو پانچویں ٹیسٹ کیلئے ٹیم سے ریلیزکردیا گیا

لندن// تیز گیندباز جسپریت بمراہ کو انگلینڈ کے خلاف سیریز کے پانچویں ٹیسٹ میچ کے لیے ہندوستانی ٹیم سے ریلیز کر دیا گیا ہے۔
سیریز کا پانچواں اور آخری ٹیسٹ لندن کے کیننگٹن اوول میں کھیلا جا رہا ہے۔ ہندوستانی کرکٹ کنٹرول بورڈ (بی سی سی آئی) نے جمعہ کے روز ایک بیان جاری کر کے یہ اطلاع دی۔
بمراہ کو ان کے ورک لوڈ (کام کے بوجھ) کو مدنظر رکھتے ہوئے سیریز کے صرف تین ٹیسٹ میچوں میں کھلایا گیا۔ وہ پہلا، تیسرا اور چوتھا ٹیسٹ کھیلے تھے۔
پانچویں ٹیسٹ کیلئے ہندوستان کی ٹیم:
شبھمن گل (کپتان)، کے ایل راہل (نائب کپتان)، یشسوی جیسوال، سائی سدرشن، ابھیمنیو ایشورَن، کرون نائر، رویندر جڈیجا، دھروو جوریل (وکٹ کیپر)، واشنگٹن سندر، شاردُل ٹھاکر، محمد سراج، پرسدھ کرشنا، آکاش دیپ، کلدیپ یادو، انشل کمبوج، ارشدیپ سنگھ، این جگدیشن (وکٹ کیپر)۔