جموں میں کئی’ غیر قانونی‘ ڈھانچے منہدم‘تین مویشی ’سمگلر ‘گرفتار

جموں//
حکام نے بتایا کہ کئی غیر قانونی طور پر تعمیر شدہ ڈھانچے ، جو مبینہ طور پر مویشیوں کی اسمگلنگ کیلئے استعمال ہوتے تھے ، ہفتے کے روز یہاں تجاوزات کے خلاف مہم کے دوران منہدم کر دیے گئے۔
حکام نے مزید کہا کہ یہ مہم جموں ڈیولپمنٹ اتھارٹی (جے ڈی اے) اور پولیس نے شہر کے مضافات میں ناگروٹا کے علاقے خان پورہ میں مشترکہ طور پر چلائی تھی۔
حکام نے بتایا کہ پولیس نے مویشیوں کے تین اسمگلروں بابر چودھری ، ذاکر حسین اور بشیر احمد کچلو کو گرفتار کیا ہے اور ۳۴ جانوروں کو بچایا ہے جنہیں جموں،سرینگر قومی شاہراہ پر ناگروٹا میں غیر قانونی طور پر منتقل کیا جا رہا تھا۔
حکام نے بتایا کہ تحقیقات کے دوران‘یہ انکشاف ہوا کہ ملزم نے خان پورہ میں جے ڈی اے سے تعلق رکھنے والی زمین پر غیر قانونی طور پر مستقل شیڈ تعمیر کیے تھے ۔ انہوں نے مزید کہا کہ غیر مجاز ڈھانچے کو مویشیوں کے غیر قانونی ذخیرہ اور نقل و حمل کے مرکز کے طور پر استعمال کیا جا رہا تھا۔
حکام نے کہا کہ فوری طور پر کارروائی کرتے ہوئے اور مناسب قانونی عمل کی پیروی کرتے ہوئے ، جے ڈی اے حکام اور پولیس کی ایک مشترکہ ٹیم نے جائے وقوع پر انہدام کی مہم چلائی اور تجاوز شدہ زمین کو دوبارہ حاصل کرنے کے علاوہ نصف درجن سے زیادہ غیر قانونی ڈھانچے کو مسمار کر دیا۔