اننت ناگ پولیس نے ملی ٹنسی سے متاثرہ کنبوں کے لئے ہلپ لائن قائم کی

سرینگر//
ضلع پولیس اننت ناگ اور بڈگام نے اضلاع میں ملی ٹنسی سے متعلقہ واقعات سے متاثرہ افراد اور خاندانوں کی مدد کے لیے ضلع دفتر میں ایک وقف ہیلپ لائن قائم کی ہے ۔
متاثرین یا ان کے لواحقین شکایات کے اندراج یا مدد حاصل کرنے کیلئے فون نمبر۰۱۹۳۲۲۲۲۸۷۰پر ہیلپ لائن سے رابطہ کر سکتے ہیں۔
ایک پولیس ترجمان نے اپنے ایک بیان میں کہا’’ضلع پولیس اننت ناگ نے ضلع کے اندر دہشت گردی سے متعلقہ واقعات سے متاثرہ افراد اور خاندانوں کی مدد کے لیے ضلع پولیس آفس میں ایک وقف ہیلپ لائن قائم کی ہے ‘‘۔
انہوں نے کہا کہ متاثرین یا ان کے لواحقین شکایات کے اندراج یا مدد حاصل کرنے کیلئے فون نمبر۰۱۹۳۲۲۲۲۸۷۰پر ہیلپ لائن سے رابطہ کر سکتے ہیں۔
ترجمان نے بتایا کہ ضلع پولیس اننت ناگ ایسے خاندانوں کی مدد کیلئے پرعزم ہے اور ضروری کارروائی کے لیے تمام موصول ہونے والی معلومات کو متعلقہ حکام کے ساتھ شیئر کرے گی۔انہوں نے کہا کہ اس اقدام کا مقصد موجودہ حکومتی پالیسیوں کے تحت جائز حقداروں تک رسائی اور بروقت ازالے کو یقینی بنانا ہے ۔
بڈگام پولیس نے ضلع میں ملی ٹنسی سے متعلقہ واقعات سے متاثرہ افراد اور خاندانوں کی مدد کے لیے ضلع دفتر میں ایک وقف ہیلپ لائن قائم کی ہے ۔
متاثرین یا ان کے لواحقین فون نمبر۹۵۴۱۹۰۲۶۶۸پر ہیلپ لائن پر رابطہ کر سکتے ہیں، جو پیر سے تا ہفتے تک صبح ۰:۱۰بجے سے شام ۰:۶بجے تک دستیاب رہے گی۔
ایک پولیس ترجمان نے بتایا’ دہشت گردی سے متاثرہ خاندانوں کو بروقت مدد فراہم کرنے کے مقصد سے ایک اہم اقدام میں، بڈگام پولیس نے ضلع پولیس دفتر میں ایک وقف شکایات سیل اور ہیلپ لائن قائم کی ہے ‘۔انہوں نے کہا’اس اقدام کا مقصد ضلع بھر میں دہشت گردی سے متاثرہ خاندانوں کی شکایات کے اندراج اور ان کے حل میں سہولت فراہم کرنا ہے ‘۔
پولیس ترجمان نے بتایا کہ متاثرین یا ان کے لواحقین۹۵۴۱۹۰۲۶۶۸پر ہیلپ لائن پر رابطہ کر سکتے ہیں، جو پیر سے تا ہفتے تک صبح۰:۱۰بجے سے شام۰:۶بجے تک دستیاب رہے گی۔انہوں نے کہا کہ یہ ہیلپ لائن رابطے کے ایک اہم مقام کے طور پر کام کرے گی، متاثرہ افراد کو ضروری خدمات، مدد اور ازالے کے طریقہ کار تک رسائی کے قابل بنائے گی۔
ان کا کہنا ہے کہ بڈگام پولیس ضلع میں دہشت گردی کے متاثرین کے تحفظات اور شکایات کو دور کرنے کے لیے ہر ممکن مدد فراہم کرنے کے لیے پوری طرح پرعزم ہے ۔
قابل ذکر ہے کہ لیفٹیننٹ گورنر منوج سنہا نے بدھ کے روز ایک اعلیٰ سطحی اجلاس کی صدارت کرتے ہوئے ملی ٹنٹوں کے ہاتھوں جاں بحق ہونے والے عام کشمیریوں کے متاثرہ خاندانوں کو انصاف فراہم کرنے اور ان کے دیرینہ مسائل کے حل کے لیے متعدد اہم فیصلے لئے ۔انہوں نے اعلان کیا کہ ایل جی سیکریٹریٹ میں ایک خصوصی سیل قائم کی جائے گی جو دہشت گردی کے متاثرہ خاندانوں کے مسائل کے حل کے لیے کام کرے گی۔