جموں میں خاتون منشیات فروش گرفتار، ممنوعہ مواد بر آمد:پولیس

سرینگر//
منشیات کے خلاف جنگ کو وسیع پیمانے پر جاری رکھتے ہوئے پولیس نے جموں میں ایک خاتون منشیات فروش کو گرفتار کرکے اس کی تحویل سے ہیروئن جیسا ممنوعہ مواد بر آمد کیا ہے ۔
ایک پولیس ترجمان نے اپنے ایک بیان میں بتایا کہ پولیس پوسٹ نروال کی ایک ٹیم نے معمول کی گشت کے دوران راجیو نگر چوک کے نزدیک ایک مشکوک خاتون کو روکا۔
انہوں نے کہا کہ تلاشی کے دوران اس کی تحویل سے ۱۱گرام ہیروئن جیسا مواد، ۴۰ہزار۴سو روپیے نقدی اور ایک الیکٹرانک وزن کی میشن بر آمد کی گئی جس کے بعد اس کو گرفتار کیا گیا۔
گرفتار شدہ کی شناخت رنجانہ عرف رچنہ زوجہ وشال ساکن راجیو نگر نروال کے طور پر کی گئی۔
بیان میں کہا گیا کہ اس ضمن میں پولیس اسٹیشن باہو فورٹ میں این ڈی پی ایس ایکٹ کے تحت ایک کیس درج کرکے مزید تحقیقات شروع کی گئی۔انہوں نے کہا کہ جموں پولیس منشیات کی بیخ کنی کو یقینی بنانے کیلئے پر عزم ہے ۔