سری نگر میں ماہ جون میں 134 برسوں میں سب سے زیادہ شبانہ درجہ حرارت ریکارڈ

سرینگر///
وادی کشمیر میں گرمی کی شدید لہر نے جہاں دن کے دوران لوگوں کا حال بے حال کر دیا ہے وہیں راتوں کی نیندیں بھی حرام کر دی ہیں۔
کشمیر ویتھر کے مطابق سری نگر میں گذشتہ رات کا درجہ حرارت ۲ء۲۳ ڈگری سینٹی گریڈ ریکارڈ ہوا ہے جو ماہ جون میں گذشتہ۱۳۴سالوں میں چوتھا اب تک کا سب سے زیادہ شبانہ درجہ حرارت ہے ۔
اس نے کہا کہ یہ درجہ حرارت۲۴جون ۱۹۹۰کے بعد، جب کم سے کم درجہ حرارت۶ء۲۳ڈگری سینٹی گریڈ ریکارڈ کیا گیا تھا، سب سے زیادہ ریکارڈ ہونے والا شبانہ درجہ حرارت ہے ۔
ان کا کہنا ہے کہ۱۵جون۲۰۰۸کو کم سے کم درجہ حرارت۲ء۲۳ڈگری سینٹی گریڈ ریکارڈ ہوا تھا جبکہ۲۹جون۱۹۷۸کو شبانہ درجہ حرارت۶ء۲۴ڈگری سینٹی گریڈ ریکارڈ کیا گیا جو اس ماہ میں ریکارڈ ہونے والا سب سے زیادہ شبانہ درجہ حرارت ہے ۔
قابل ذکر ہے کہ سری نگر میں گذشتہ روز زیادہ سے زیادہ درجہ حرارت۵ء۳۵ڈگری سینٹی گریڈ ریکارڈ ہوا تھا۔محکمہ موسمیات کے مطابق یہ درجہ حرارت جون کے مہینے میں گزشتہ ۱۹برسوں کے دوران سب سے ریکارڈ ہونے والا سب سے زیادہ درجہ حرارت ہے ۔وادی میں درجہ حرارت مسلسل معمول سے کئی ڈگری زیادہ ریکارڈ ہو رہا ہے ۔
جنوبی کشمیر کے قاضی گنڈ میں جمعرات کو ۷ء۳۴ڈگری سینٹی گریڈ درج کیا گیا، جو۱۹۸۸کے بعد جون کا سب سے بلند درجہ حرارت ہے ۔ کوکرناگ میں۸ء۳۳ ڈگری سینٹی گریڈ ریکارڈ کیا گیا، جو کہ اس علاقے کی جون کی تاریخ میں دوسرا سب سے زیادہ درجہ حرارت ہے ۔
سیاحتی مقام گلمرگ میں بھی درجہ حرارت۲ء۲۵ ڈگری ریکارڈ ہوا رہا، جو عمومی اوسط سے خاصا بلند تھا۔