اودھم پور میں خاتون شراب فروش گرفتار، غیر قانونی دیسی شراب ضبط

جموں//
جموں کشمیر پولیس نے ضلع اودھم پور کے رام نگر علاقے میں ایک خاتون شراب فروش کو گرفتار کرکے ۶لیٹر دیسی شراب بر آمد کی ہے ۔
ایک پولیس ترجمان نے اپنے ایک بیان میں کہا کہ ایک مصدقہ اطلاع پر کارروائی کرتے ہوئے پولیس اسٹیشن رام نگر کی ایک ٹیم نے رسلی ٹھاکری علاقے میں چھاپہ مار کارروائی انجام دی۔
ترجمان نے کہا کہ چھاپے کے دوران۶لیٹر غیر قانونی دیسی شراب بر آمد کی گئی جبکہ شراب تیار کرنے کیلئے استعمال کئے جانے والے۸۵لیٹر خام مواد کو تباہ کر دیا گیا۔
ترجمان کا کہنا تھا کہ پولیس نے پوجا دیوی زوجہ روی کمار ساکن راسی ٹھاکر کو موقع پر ہی گرفتار کیا جبکہ رادھا دیوی زوجہ رام پال نامی دوسری ملزمہ جائے موقع سے فرار ہوگئی۔
بیان میں کہا گیا کہ اس سلسلے میں پولیس اسٹیشن رام نگر میں متعلقہ دفعات کے تحت ایک کیس درج کیا گیا اور مزید تحقیقات شروع کی گئی۔